汤之山温泉 彩向阳 满分温泉住宿体验


日本🇯🇵三重县嘅汤之山温泉 ♨️有1300年历史，一向好受欢迎👏🏻，今次就系呢到嘅彩向阳酒店🏨入住，呢间温泉酒店系一泊两食和式旅馆，由check in到check out服务都好贴心！💕

今次嘅和式套房有小偏厅同客厅🛋️，面积约10叠，所以好大！仲可以望到御在所山🍁嘅美景！晚上服务员💁🏻会帮我哋铺榻榻米床铺。

而温泉♨️当然系重点啦都！彩向阳全部都系天然温泉，仲有提供色彩缤纷嘅浴衣俾女士选择！


除左主楼会有大浴场，佢亦有户外露天温泉♨️，分开男女。露天温泉位于系森林🌳溪谷之中，虽然要系旅馆主楼行2分钟左右，但行简单山路就会到，所以夜晚黎更加神秘而隐蔽，仲多左探险嘅气氛添！非常特别！🌟

女士露天温泉♨️总有3个，都系俾大自然☁️包围，所以我早晚都去咗一次！幸运地每次都冇其他住客，可以独霸温泉！

朝早浸温泉就好似俾大自然包围，树林高大，隐约透出几缕阳光☀️，景色优美💕 夜晚就可以静静地享受温泉，抬头仲可以见到星星⭐️

浸完仲可以系旅馆享用会席料理，系日式full course，好似有餐前梅酒🥃、和牛石烧🔥、荞麦面、釜饭等等，餐厅仲主打天妇罗🍤，可以俾我哋自选天妇罗嘅食材，即叫即炸，好好味！

成个温泉住宿体验好圆满，从服务、房间、温泉、食物每个元素都好高分，值得推荐🌟

彩向阳
📍〒510-1233 三重県三重郡菰野町菰野8497