亲子旅游必到景点 - 九州自然动物园


睇返之前去旅行嘅相，好想介绍一下 ，如果去开九州、福冈、熊本𠮶边旅行，真系好值得带小朋友去玩下！

呢个动物园最正嘅地方就系可以搭丛林巴士Jungle bus入去猛兽区，𠮶度有狮子、老虎、大象、黑熊、长颈鹿、羚羊、犀牛、骆驼等等，大家坐喺jungle bus入面可以近距离望到呢啲动物，动物园亦都会提供肉、蔬菜或者干粮去喂其中嘅一啲动物，大人小朋友就可以坐喺jungle bus入边，用铁钳伸出去喂佢哋！呢个活动真系几好玩，系一个好唔错嘅体验。

除咗大型野生动物区， 亦都有小动物交流区，有一个地方可以抱猫猫、一个地方可以抱狗仔，不过就需要另外收费。

动物园入口附近就有水濑同埋小马仔。
另外，动物园入面有来自澳洲嘅袋鼠，小朋友可以行入袋鼠园，等佢哋咁样接触袋鼠。

仲有仲有，餐厅附近有一个区域可以抱抱天竺鼠、仲有一个区域可以摸兔仔，Natalie同细佬都劲开心！

动物园入面有餐厅，可以简单食个饭，补充下体力继续玩。

讲吓啲交通，如果自驾游，可以揸埋架车入去猛兽区，不过就冇得喂动物了。我哋唔系自驾游，可以从别府駅𠮶度搭巴士过嚟。

想了解多啲，大家可以参考官网。