【 超高评价亲子游乐场。大阪枚方公园 】


【 超高评价亲子游乐场。大阪枚方公园 】

🎠枚方公园Hirakata Park系我哋今次旅程No.1最爱既景点！估唔到可以玩足⼀整日！重点系咩都唔使排队呀！我哋买咗任玩套票，钟意既游戏玩完一次又一次，全部都系两兄弟玩到又钟意玩既游戏，仲有好多小动物睇，真系令人好满意！

🏰园区有超过40种游乐设施，好多都系For小朋友而设计，刺激程度中等，入园时可以向工作人员拎中文版地图，会有齐各项游戏设施既地点和高度限制。

🎡有全日任玩套票，小朋友就可以尽情玩，彩色摩天轮、旋转杯、海盗船、小飞象、章鱼飞车、Popy的直升机和旋转木马等，劲多好玩又新奇既游戏，两兄弟玩得好开心。（如果不想买任玩套票，乐园内也可以每个游戏单买游戏卷，逐个游戏收费。）

🌹每年4月下旬到6月上旬可以到玫瑰园欣赏满开既玫瑰花，影相打卡超靓！

🍔枚方公园非常大，园区内既美食都好多，除咗大众化既麦当劳，仲有好出名既蛋包饭、意大利粉、拉面、可丽饼、雪糕和咖啡等多种选择，行到边食到边，唔使担心会肚饿。

🧸最后当然要去纪念品店行下啦，不过商品唔算太吸引，两兄弟都只系买左零食，爸妈唔使担心荷包🙈

🚒香港无呢类型既游乐场，安妮妈妈好推介大家带小朋友黎玩呀！可以玩足一整日，大人小朋友都会好开心！爸爸仲话呢个乐园唔使点排队，又样样都啱玩，正过环球影城好多，值回票价！

🚅枚方公园 交通指南
我哋由心斋桥出发，搭地铁御堂筋线在「淀屋桥站」转京阪电车，再由京阪本线至「枚方公园站」步行5分钟就到。

#亲子KOL