东京近郊赏樱🌸推介 – 熊谷樱堤
每年春天都系樱花🌸同油菜花盛开既日子, 适逄通关, 就安排左去下未去过既地方赏樱; 熊谷, 距离东京巿中心只有半小时车程, 坐JR直达, 因为一路由巿中心玩到近郊后先返香港, 所以安排左响熊谷住一晚, 咁就可以睇到早上、黄昏同晚上既樱花同埋油菜花~

熊谷樱堤位置距离熊谷JR站🚉行路大约10分钟, 跟住地图都好容易揾到, 我去既时候系黄昏, 已经有好多人响度野餐、闲逛, 由入口行入去, 见到一大条好似堤坝咁既路, 下面就种满樱花树同埋油菜花, 蓝天下有著粉红既樱花树, 下面则有金黄色既油菜花衬托, 一望无际, 好似一幅画咁靓~ 适逢疫情缓和, 各地通关, 所以樱花祭都复办, 响樱堤下面, 长长既街道两旁, 摆满哂各式地道美食同饮品, 仲有个大帐篷搭建既居酒屋, 十分热闹, 所以好多一家大细都响度买野食, 然后响樱花树下野餐, 真系好写意~~

📍熊谷樱堤：车站走路约十分钟
🚆 交通：JR北陆新干线、上越新干线 、高崎线或湘南新宿线或秩父铁道- 熊谷车站