冬日浪漫飘雪乐园💕 白色恋人公园
【北海道札幌】北海道最出名嘅手信非白色恋人莫属，有时间可以参观埋 白色恋人公园 (白い恋人パーク / Ishiya Chocolate Factory)，都好值得去！虽然𠮶日极度大雪，但入面嘅欧式花园与建筑超靓，有好多影相位，每个整点仲可以欣赏到钟楼同旁边建筑上嘅人偶表演，好得意！💢💢💢不过入去工厂参观同参加体验工房课程就需要另购门票😎

无时间的话都可以去札幌 Ishiya Cafe （白色恋人cafe） 食甜品🍨最出名嘅pancake 5pm已经卖晒，但甜品质素都唔错🍦点左呢个 士多啤梨慕丝杯 同 tiramisu，两杯都唔太甜。我钟意食士多啤梨多d，酸酸甜甜，入面除左有新鲜士多啤梨外，仲有蛋糕、mousse等等，层次丰富😍 tiramisu都好高质素，咖啡味香醇幼滑，而且做得够湿润，入面仲有朱古力脆珠，好有口感。当然唔可以错过招牌白色恋人雪糕 啦！不过我就喺其他地方食左就冇点到😏