日本必到打卡景点 @ 立山黑部
立山黑部阿尔卑斯路线系日本中部北陆，一条穿越崇山峻岭嘅旅游观光路线，因为当中搭六种不同嘅登山交通工具，时间控制好紧要。呢一个行程系我整个trip最期待之一，可惜天公不作美，我哋上到立山站已经开始落大雨，上到去见到嘅景色，全部都系迷雾，好似仙境咁。

喺立山站因为已经知道山上只系得返11度，所以即时喺车站附近嘅商店买咗厚身外套，然后就出发搭立山登山缆车，大概五至10分钟车程，去到美女平。然后再转立山高原巴士，搭50分钟左右上山，车上会播住video，不过就讲日文嘅，佢会介绍沿途嘅风景，其中下啲地标位置会停低俾大家影相，不过因为沿途都已经见唔到啲山，唯一就系瀑布前都总算望得到个瀑布。

高原巴士到达最高点 2450 米嘅室堂，呢度有展望台俾大家望向立山连绵嘅山脉，可惜今日我哋只系睇到一片白蒙蒙，共系「到此一游」。接着下一个打卡点系大观峰，搭立山隧道无轨列车，同佢因为沿途都已经睇唔到景色，所以都冇乜感觉。想睇最后系搭空中缆车，慢慢落返黑部水坝，呢个位系立山黑部地区最受欢迎嘅景点之一，虽然都仲系好大雾，但系都感受到佢嘅气势磅礡，整个好宏伟。

最后就系喺黑部水坝搭大概15分钟嘅关隧道到无轨电车去到扁泽站。就系咁完结左呢个带点遗憾嘅立山黑部游记