#当北方人去南方过年 系直播间买左呢个惠来鱼仔店既双人套餐，40蚊有找，人地系做潮汕菜架。周末去，间店唔系主干道上，从石岗公交总站转入去石岗路，系个楼盘旁边就见到呢家路边食肆啦。中午12到店，老人家话里面无人既？唔会挂，入去先知原来间店分左右两个厅，中间系大厦电梯间，右边个厅坐到已经无细台，于是我地2个人带到左边个厅，开灯坐低做第一台客。 套餐要去收银台验证，茶位系大壶茶，潮汕茶黎？口感系先苦后甘。 卤水鹅肉，分量唔会系团购就细碟，卤水唔会好咸，但系一碟鹅肉一边霖d一边韧d，老人家问系唔系两只鹅黎架？食到最后底底仲有豆腐啊。上左第一个菜就送白饭黎，老人家话米几好。 金不换炒薄壳，潮汕叫呢种海产薄壳，外省叫海瓜子，细细一只，炒起一大碟，开始食有锅气肉好滑，凉左就咸d，适合一路啾一路饮酒。 炒菜心，菜心几霖。店家仲送左碟凉拌海带木耳，老人家中意佢d调味，用黎点鹅肉食，话无个碟蒜醋甘酸。三个菜食晒好饱饱。 三个菜10分钟内上齐，店员做嘢好快手，到1点钟旺到已经系店外面加台啦。