苗栗必去欧式古堡餐厅😍


讲起天空之城，就会谂起宫崎骏既动画，而今次想介绍既餐厅系一间好有特式既景观餐厅，位于台中既苗栗，好似一个世外桃园，亦好似一座空中古堡咁，佢就系天空之城景观餐厅喇😍

园区入面有好多打卡位，而最特别既系哩座充满欧式古堡建筑风既天堂古堡，古堡外围布满左好多绿色既藤蔓，充满住神秘既气息。餐厅既空间好阔落，而且大大既玻璃窗会有自然光透入，为餐厅带来一啲温暖既感觉。

餐厅主打创意料理，以西餐为主，由前菜，主菜到甜品，每样都好精致。今次试左羊架、软壳蟹拼鸡扒同慢煮鸭胸，每款味道都唔错😋顺带一提，入黎天空之城需要购买门票，而门票可以系餐厅抵销部份餐饮费用。

哩度既环境非常靓，除左哩个古堡餐厅外，仲有猫碉堡教堂、躲猫猫礼品店同竹林步道，食完野仲可以慢慢去唔同既角落打卡，真系好适合同屋企人，朋友仔或另一半黎打卡享受一下~😻