系推送见到澄语轩既双人套餐，5个点心+2个茶位先38蚊？？买黎试试，周末行完公园就搭车过黎，落车过马路就见到锦辉大厦个栋楼，从酒店入去搭电梯上2楼，我地12点前到，大厅唔算大，望左一圈啱啱好有一张中台准备执台，再迟d黎只能坐大台同人搭台，再迟d，要排队等位。 铁观音普洱二选一，我地要左普洱，睇菜单大壶茶3蚊，工夫茶就要5蚊，茶点都有特价点心，要一个正价搭一个特价，好似每台限点2个特价。搵左部长验证落单，唔洗5分钟就开始上菜，人手够服务跟得足。