《Urban Cafe兆万新店》
今日来到Urban Cafe的旺角新店食lunch顺道探主子，一排无来，新店新装修，不但又大又宽敞，而且装修焕然一新，令人感觉好舒服。

坐低先来医饱个肚，先有力气同主子玩。

跟餐送牛油多士条、餐汤及饮品。我们补了差价点了2杯特饮。

Oreo脆脆特浓朱古力
面头有满满的cream，加上脆脆，朱古力味够浓，好好饮。

伯爵茶鲜奶
茶味够浓，奶香又够，而且唔甜，啱晒我。

青酱海皇意大利饭
大大只海虾和青口放左饭上，够肥美。青酱完完全全融入了饭入面，好香好creamy。

纽西兰肉眼扒
大大块，价钱不过$128，真系好抵食。牛扒肉够嫩，仲有炸得香脆的薯条，仍然保持一贯高水准。

食完野就同主子玩啦，呢度的猫猫都好温驯，又摊又坐又行，活得自在，每只都肥肥白白好可爱！最钟意坐系窗边的椰青，自己静静望住窗外，好悠闲。

仲有糥米糍，椰子糖，得闲就会走过黎叫你摸佢pat pat，好痴人。恐龙、豆豉就训到天昏地暗，真系各有特色，得闲上黎呢度放松下，同主子玩下，著实令人心情愉快。美食 探店 特色

URBAN Cafe (兆万中心) (旺角)
旺角西洋菜南街1号兆万中心14楼