A.T.A.S.铜锣湾新加坡菜😇
揾到呢间上楼嘅新加坡菜，地铁站出嚟行5分钟左右就到，座位宽敞。点餐出counter叫，比完钱再慢慢番位食。

叁岜魔鬼鱼🐟
叁岜酱系马来西亚流行嘅酱汁，由于佢都几百搭，唔同嘅菜式都好容易会见到佢。味道辣辣哋，但未去到麻辣程度，所以一般人都食到。魔鬼鱼无咩碎骨，所以啖啖肉。

妈蜜鸡🐤
味道甜甜酸酸，一d都唔辣。妈蜜鸡表皮脆身，表面洒有芝麻粉，似足韩式嘅甜酸酱炸鸡！

沙爹米粉
餐牌内有几页都推荐呢个米粉，浓浓沙爹酱入面会揾到鱿鱼、豆卜、肉片、通菜、大虾等等，非常丰富。

饮品有罐装或者各类冲调饮品，点咗玫瑰青柠水同柑桔水，味道酸酸哋，几开胃。

🛎️必试指数：8/10🔆
📍 铜锣湾边宁顿街9-11号登龙阁地下C2号舖
_cwb
🅆🄸🄽🄶 🅆🄸🄽🄶 🄿🄸🄶 🄻🄸🄵🄴