「帝逸酒店Alva House」海鲜自助餐：粤式海陆盛宴，口碑绝佳！
一大班朋友开心聚餐，最岩就系食自助餐❤️坐得舒服又可以拣选自己钟意既菜式，最后仲可以食埋甜品雪糕，真系不亦乐亦也🎊🎊

今晚约咗成班朋友去帝逸酒店Alva House 享受✨全新「粤．尝．食」海鲜自助晚餐💁🏻♀️粤式海陆盛宴🍽️有经典手工粤菜又有时令海鲜，真系令人「粤」食愈「尝」食🤪🤪

Alva House长达270呎长自助餐桌逾60款环球美食😍有齐粤菜手工佳肴、新鲜海鲜、日式铁板烧、炉端烧及天妇罗、各式烤肉与日式炸物、甜品、雪糕、糕点等等，真系超级丰富💗可以同朋友享受无与伦比既味觉飨宴🎉

🔹新鲜水果吧：提供哈密瓜、西瓜、蜜梨、蜜柑、菠萝等，重点推介车厘子，当造季节食落真系特别香甜爽脆！

🔹沙律区：可自选新鲜沙律菜配橄榄油/酱汁，亦有蟹肉芒果牛油果沙律、海蜇手撕鸡沙律、泰式凤爪沙律等～最爱蟹肉芒果牛油果沙律，蟹肉香甜、芒果又多汁，拌以牛油果，有营又滋味！

🔹Cold Cut区：多款风干火腿、芝士拼盘、烟三文鱼等，款款都好出色，自制返个Cold Cut Platter绝对无难度～

🔹冰镇海鲜区：提供多款新鲜冰镇海鲜，数量之多令人目不暇接～有龙虾、翡翠螺、面包蟹、蓝青口、蟹脚、海虾，重点推介即开生蚝，海水味浓、蚝肉爽脆饱满又带点Creamy，味道层次丰富！

🔹日式前菜、刺身、寿司、炸物、串烧：日式区有超级多选择！！
👉🏻前菜推介味付螺肉、中华沙律，细细个已经好钟意食中华沙律，爽脆又有咬口～
👉🏻刺身寿司有三文鱼、吞拿鱼、油甘鱼、希灵鱼、八爪鱼等，仲有好可爱既迷你鱼生丼饭，香葱吞拿鱼蓉拌以海胆、帆立贝等，细细碗岩哂我～
👉🏻炸物系现场新鲜即炸天妇罗，够哂热辣辣，特别香脆可口！
👉🏻串烧同样由师傅现场即烧，真系睇见都流哂口水，超香喷喷！推介串烧鸡中翼，外皮酥脆、咬开鲜嫩多汁～

🔹印度美食区：估唔到连印式美食都有！仲要款式都唔少添！照顾唔到人既口味～有迷你薄饼、印度杂菜咖喱、印度羊肉咖喱，可以配搭印度米/印度烤饼同食，滋味再升级！

🔹中式美食区：重点推介迷你佛跳墙、蟹粉小笼包！迷你佛跳墙精选鲍鱼、金华火腿、花胶、竹笙、花菇等，汤头清香、鲜不腻口，养生首选～蟹粉小笼包皮薄且蟹肉甜，粒粒饱满多汁～

👉🏻另推介杭州排骨、片皮鸭、中式烤乳猪、猪脚姜醋、香煎鱼柳、水煮龙趸片等，猪脚姜醋酸酸甜甜、蛋香够松化，猪脚入味满满胶质，啖啖滋味十足！

👉🏻仲有即煮粉面及即滚靓粥，可自选配料，DIY返碗心水粉面/粥品～

🔹西式美食区：必试烧牛肉以及自助餐少见既威灵顿牛，酥皮饱满厚实、包裹着鲜嫩粉红牛柳～

👉🏻另有红酒牛尾、海鲜意大利面、南瓜蟹肉意大利饭、烧羊髀、黑松露粟米饼、、忌廉青口、浓香番茄汤配各款西式餐包。

🔹饮品区：有自助咖啡机、冻/热柠檬红茶等，消滞解腻一流！

🔹甜品区：甜魔们绝对不能错过超丰富既甜品AREA，有接近30-40款甜品不断供应，色彩缤纷夺目，大人小朋友都爱！

👉🏻试匀咁多款甜品，最出色必定系榴梿类！推介榴梿卷蛋、榴梿斑斓慕丝蛋糕、斑兰榴梿蛋糕、榴梿奶冻，尤其榴梿卷蛋，中间有新鲜榴梿肉，果肉饱满香浓，口感绵密，未入口已经传来超浓郁榴梿香，榴梿控必试！！

👉🏻另以下甜品同样出色：意大利芝士饼、蓝莓芝士蛋糕、芒果拿破仑蛋糕、蝶豆花果冻、伯爵茶歌剧院蛋糕、雪燕冰花炖蛋白、乌龙茶寒天芝士奶盖、杨枝甘露布甸、焦糖炖蛋、面包布甸、超滋润冰糖炖木瓜雪耳糖水～

👉🏻最后点少得食埋招牌自家制意大利雪糕！有创意十足既苹果山楂雪葩、陈皮老姜雪糕，以及清新解腻蜜柑雪葩，仲有人气大热既榴梿雪糕！记得仲有杯装Häagen-Dazs雪糕～

全新「粤．尝．食」海鲜自助餐现已开放订座，有兴趣既朋友可到酒店官方网站浏览更多。