祥富水产沙茶火锅超市😋
今次食嘅呢一间系位于台北市-中山区南京西路15号7楼嘅祥富水产，我哋本身就中意食打边炉，呢一间系台湾嘅朋友仔介绍俾我哋😏所以一定要冲啦！

人流比好多餐厅多，同埋都系要walk-in嘅关系，我哋6点就去到等位，攞飞之后系商场行左阵，大约半个钟左右就有位啦🕡

入座前要先买嘢食，以为都唔平啦，因为香港单点嘅打边炉真系偏贵，入到去望又唔系㖞🤔我哋叫左嘅野食就系封面，佢呢度比较特别嘅系，要自己拎个篮去拣野食，比左钱再坐低😂我自己觉得肉嘅份量其实都好多，我哋埋单就大约港币$300左右，真系食到好饱。。。如果唔够食，系可以再行出去买嘅，我哋两个都已经好大食，但真系买唔到第二转🤢

汤底系原味高汤，同香港嘅猪骨汤差唔多，都好够味，肉类唔系好靓好靓，但肉香味同新鲜已经够👍🏻其他丸同菜都系中规中矩，但至少唔会出现唔新鲜嘅情况😋呢间系值得去食嘅火锅店哦🤤