澳门 驰名咖喱鸡米 金利食店👍🏻
去澳门前做晒功课要揾嘢食..
其中一间就系金利食店喇！
本身唔系太钟意浓汤底嘅面食..
但既然咁出名..
抱住一试无妨嘅心态..
果然发现..出名系有原因嘅😄

我地平日大概十一点半到..
未见人龙但到已经差不多满坐..
食客大部份都系入黎食咖哩鸡米/面..
面食有两至三个size可拣..
我地叫左一大一细咖喱鸡米(加辣)再加净墨丸..
个鸡米一上台超香..
个汤冇我想像咁浓..食完我冇渴..
啲鸡出奇地好滑…
个辣系落order时职员会问你要唔要加辣..
而个辣椒油简直系画龙点精呀👍🏻
好香带少少辣 唔会食到好辛苦咁..
而个墨丸超大粒…
弹牙…咬开都食倒啲墨鱼嘅肉..
夹埋个咖喱汤..好食！

仲有枝可乐..
系大嘅枝装可乐…
好耐冇饮过枝装仲要大可乐喇😍

呢餐食得好满足..
金利食店已经入左我去澳门嘅必食嘅清单喇！
大家有机会都去试下啦！



金利食店-
氹仔 基马拉斯大马路 463 号 帝庭轩 地下
特色－咖哩鸡米