好味韩国菜😋
喺香港如果想食韩国嘢，Yadllie Plate应该系我心中嘅首选😆今次去荃湾海之恋分店咁，装修有格调，而且环境都几大，坐得舒服👍🏻之前去旺角店多数都会食炸鸡，今次就试吓佢其他韩国菜式🇰🇷
叫咗个特种部队锅，同朋友share最好不过，入面有芝士，冬菇，火腿，午餐肉，年糕等等，劲丰富！调味啱啱好，唔会太辣或太醎😋食到咁上下就可以加埋辛辣面落去煮，好满足！
经常见人打卡紫菜手抓饭，我地都叫咗嚟试，系一款DIY菜式，戴好手套将饭，紫菜，蟹籽拌匀，再加一片芝士搓成一个球状就食得，味道有层层，醎醎香香，而且啲饭本身落咗麻油㗎👍🏻
火炙牛都系一款打卡菜式，上台后店员就会用火枪将牛肉轻烧，睇住啲牛油渗出嚟，已经流晒口水🤤食落肉质亦好软稔，配埋蒜片一齐食更加惹味。
八爪鱼煎饼，薄薄地嘅厚度，入面有葱丝同八爪鱼粒，所以食落带有烟靭感觉🐙最钟意食个边位，脆脆地，好香口！酱汁有两款，一款系韩式辣酱，另一款系韩式酱油，两款有完全唔同嘅效果☺️