和道屋推出新招，食平啲刺身串烧
餐厅：和道屋 (尖沙咀)
地址：尖沙咀加连威老道46-48号恒隆银行大厦地舖及阁楼

居酒屋喺日本上班族欢聚减压嘅地方，能够揾到一个地方畅所欲言，气氛特别热闹🏮。和道屋喺一间位于尖沙咀嘅居酒屋，一开门就比充满日系风格嘅长廊吸引，长櫈上仲有宫崎骏嘅「无脸男」迎接你添👻。二楼嘅用餐区空间阔落，设有榻榻米卡位，无论喺情侣小酌定朋友聚餐都非常适合👥，和风布艺、日式灯笼同酒樽都随处可见，配上木系装潢令人仿如置身日本🇯🇵

餐厅主打日式料理：刺身、寿司🍣、定食、串烧🍢、锅物等都有齐晒😎，仲有个大雪柜装著多款清酒🍶、啤酒🍻、梅酒等，同三五知己食吓串烧、饮吓酒真喺够晒chill🤟🏽，晚市除左单点餐牌亦推出几款二人套餐🍱，菜色嘅质素唔错不过就细份咗啲，Like佢哋IG/Follow Facebook，或暂喺openrice订位都有全日88折优惠🈹

✝️海胆生蚝杯 $88
生蚝同海胆鲜味层次Double Up，两者嘅配搭满载鲜香，口感细腻、爽嫩兼备🦪，加埋柚子醋啫喱令味道更清新，将鲜甜味大大提高🌊

✝️千岁米豚芦笋卷 $36
嚟自千岁市嘅米豚用咗混合北海道米嘅饲料喂养，每个月只有大概700只，极其珍稀🐖，肥瘦适中嘅肉质鲜嫩多汁，配上爽脆嘅露荀口感丰富，油而不腻😋

✝️盐烧厚切牛舌 $68
虽然个人觉得未算喺「厚切」，但都有爽口质感👌🏽，面头洒咗海盐将鲜味提升，配上微焦嘅外层更惹味🔥

✝️汁烧鸡腿肉大葱串 $32
鸡腿肉腌到好入味，两面都沾满咸甜烧汁🍗，鲜美嘅肉块同清爽嘅大葱梅花间竹咁串起，每一啖都满载葱香同肉汁，别具风味🤤

✝️日本A4和牛寿喜烧 $298
寿喜烧汁以3至4款木鱼熬制而成，配上娃娃菜、冬菇、豆腐等配料味道清甜可口🍲，日本A4和牛虽然唔喺好大块但布满细致嘅油花🥩，入口软绵，咸甜酱汁配上香浓幼嫩嘅和牛油而不腻，蘸埋滑溜嘅日本生鸡蛋浆令人欲罢不能😍