叫即叫制 手工意粉店
出左旺角帮老公整嘢，路经通菜街俾间餐厅门口先俾个得意公仔吸引到，然后望入去见店铺小小但个环境同食物款式都唔错，所以就入去食个午餐啦！

餐厅主打系纯自家制手作意粉，咁我就叫左份 忌廉汁日本鱿鱼及菠菜叶配手制意大利意粉。手作意粉面团系每日新鲜制作，而意粉就更加系..即叫..即压..然后去煮，所以个意粉弹牙又有蛋香，而且食落又好有咬感，而且个忌廉汁份量刚刚好，总之就系食到最尾𠮶啖意粉都系有汁包住，当然唔少得惹味嘅日本鱿鱼，再加埋微微嘅辣椒粉，真心觉得系好好味。

我就叫左杯冻港式奶茶，由于系无冰关系，所以唔会因为溶左啲冰而影响到茶味，而佢个茶味唔错，而佢又唔会太甜，饮完都真系令我好回味。

虽然主菜都食得好饱，但见到啲甜品都好想食，尤其见到有我至爱嘅蕨饼都系忍唔住，叫左一份蕨饼配抹茶粉及黑蜜。蕨饼入口烟韧，味道浓而不苦不涩，再加埋味道清甜，好味。

📍旺角通菜街1A-1L号威达商业大厦地下C号舖
FooDo