观塘海滨叹西餐，听Live望海超晒班
餐厅：La Serre (观塘)
地址：观塘海滨道90号地下1号舖

成日喺观塘海滨跑步经过都座无虚席嘅La Serre，之前嚟食过Tea，今次终于嚟食佢哋嘅晚餐🍽️，餐厅云集各国料理🌍，例如日本一夜干、法国鸭胸、墨西哥薄饼等，款色应有尽有👏🏽，而大部份小食送酒都一流，难怪咁多人过嚟happy hour🍻

餐厅采用玻璃屋嘅设计，令店内采光度十足，黄昏更可以远眺迷人嘅夕阳🌆。而为咗推崇宠物友善主义，餐厅设有户外座位⛱️，喺周末指定时间带埋毛孩嚟用餐更有8折优惠，仲送狗狗小食添🐶。每逢星期二、四同六晚亦会邀请唔同本地歌手过嚟busking，可以一路听歌一路享受美食🎤

✝️香肠拼盘 $88
见到几台都嗌咗香肠送啤酒，又好似几正😎，虽然份量较少但有四款各有特色嘅香肠——辣肉肠口感扎实，一咬就爆出香辣嘅肉汁🌶️；芝士肠有独特烟熏香，「芝」味十足🧀 ；两款白色嘅鸡肉肠，味道较淡但口感外脆内嫩滑🍗，其中一条带有香草🌿，清新风味令层次升华

✝️软壳蟹牛油果墨西哥薄饼 $178
大大只嘅软壳蟹即叫即炸，有两份Taco各有一只原只软壳蟹🦀，视觉效果满分💯，金黄酥脆嘅炸粉有少少厚🤏，但中间嘅软壳蟹确实肉多膏多够丰腴，饼皮中间夹左切片嘅牛油果令整体口感更幼滑🥑，伴碟嘅蕃茄莎莎酱同柚子沙律带嚟清新感，去油腻仲越食越开胃😙

✝️蕃茄南瓜杂菌千层面 $148
千层面以多块交叠嘅面皮制成，喺义大利嘅传统菜色之一🇮🇹，每层中间夹著杂菇同南瓜，营造出多重口感👅，酸甜嘅番茄酱同浓郁嘅芝士互相衬托，香而不腻嘅组合令人难以抗拒，素食都可以做到色香味俱全💚

✝️Kiwi Lemonade $78
餐牌上有唔少无酒精Mocktail，啱哂唔饮酒嘅人🫢，呢杯用咗奇异果同柠檬汁调出甜中带酸嘅味道🥝，配上梳打水嘅气泡感更清爽可口🍾

✝️Mocha $42
Mocha由浓缩咖啡、朱古力酱、同鲜奶混合而成☕️，入口先饮到甜蜜嘅朱古力香气，再紧随著醇香嘅回甘，配上绵密嘅奶泡令整体口感更滑顺😋