精致浪漫晚餐
话晒都系同老公嘅相识纪念日，所以都要去撑下台脚嚟浪漫下先得嘅，咁我地就近近地去海滨观塘海滨拍下拖，然后就系对面嘅MG Cafe，嚟一个精致又美味嘅浪漫晚餐啦！

餐厅环境舒服都唔在讲，整个布置都好有格调，好有欧陆式复古嘅感觉，旁边也设置很多咖啡杯装饰，所以老公一入嚟都大赞我拣得一间唔错嘅餐厅。

我地order左 6-course Dinner Set，单睇个mean都已经好吸引。

先嚟两杯特饮(我地系由餐饮升级嘅)，一杯系Pineapple Oolong Shaken Tea，另一杯系Peach Shaken Tea。两杯除左啱打卡之外，味道都唔错呀。

再嚟两款法式餐前小点，分别系萤光鱿鱼挞同青椒皮蛋挞。坦白讲初时都怕有点古怪，不过入口又几特别，我个人比较钟意𠮶个青椒皮蛋挞，估佢唔到中式材料配合西式煮法系咁得意，绝对系有惊喜。

之后就到前菜，先嚟 黑松露，花胶，北海道鲜带子 ，大乡里嘅我都系第一次以西式煮法食花胶，估唔到佢同黑松露个味系会咁夹，而且 花胶都好厚身，加埋鲜甜带子一齐食，完全系啱晒我口味。

另一个就系渍北海道带子刺身•海胆•三文鱼子•苹果泡沫，其实佢食落有啲似啫喱，白色嘅苹果泡沫连同好有口感带子刺身同埋海胆、三文鱼子一齐食，味道口感层次都好丰富。

之后就到餐汤，榛子，烤花菜浓汤，整个汤口感滑顺，加上榛子同坚果嘅风味好浓郁，最后配埋烤花菜，三者配合得宜，我自己就非常钟意。

跟住就到意粉，先嚟 鲜蚬车厘茄撒丁尼亚珍珠面，卖相靓就唔在讲，满满嘅车厘茄加上非常鲜甜蚬肉都已经好清新，不过亮点就一定落系珍珠面上，一粒粒像小丸子嘅珍珠入口弹牙，再连埋啲酱汁一齐食，真系既得意又好味。

另一个就系 传统猪肉酱手造撤丁小面疙瘩，全手工做嘅粒粒厚身意粉加上传统猪肉酱同微微嘅蕃茄芝士酱，喜爱浓味嘅老公大赞好食。

我嘅主菜 杜洛克猪鞍，黑椒汁，猪鞍厚切鲜嫩而且肉质十分松软，保留了丰富肉汁味之余加埋黑椒汁一齐食，整体上配合得唔错，咸度适中。但千其唔好漏左𠮶个南瓜蓉，入口好清新醒胃呀。

老公嘅主菜系 澳洲羊扒，羊鞍，羊烧汁，以煎封肉汁方式所以保持到软嫩多汁，而且肉质较浓及腍滑，而且完全无羊膻味，配上烧汁食，口感一流。

最后就以Creamy又好味嘅芝士慕斯蛋糕配士多啤梨酱为今个晚餐划上完美嘅句号。

📍观塘海滨道133号万兆丰中心地下2号舖
MG Cafe