金庸迷必到展览 免费入场
金庸绝对系陪住我成长，好多经典作品📚好似《神雕侠侣》、《射雕英雄传》真系百看不厌！而家可以去重温返啦～

2024年系金庸百年诞辰纪念，我就带埋柔柔到中环爱丁堡广场一齐参观《侠之大者–金庸百年诞辰纪念 · 江湖盛汇》，重温一下所有经典场面。

场内有由雕塑艺术家任哲创作的 10 件金庸角色人物雕塑，包括小龙女、杨过、灭绝师太、周伯通、胡斐、范瑶、完颜洪烈、金轮法王、成吉思汗、郭靖。

现场设《射雕英雄传》蒙古包，配合AR科技还原小说不同场景，带来沉浸式体验！

仲有好多得意场景可以打卡，好似神雕侠侣中嘅寒冰床，记得扫埋QR code，影出嚟嘅相会有特别效果！仲可以挑战「老顽童」周伯通嘅分心二用之术，左右手同时画出不同图案！

佢哋更会定期举办文艺互动体验，如阅读分享会、音乐会、绘画工作坊等。

成个展览真系勾起大家嘅情怀及集体回忆，亦可以等小朋友认识金庸及佢嘅武侠小说。

展览系免费入场金庸迷，千祈唔好错过～除咗中环，香港文化博物馆都有展览，展出更多雕塑同展品畀大家睇架！

**********
《侠之大者–金庸百年诞辰纪念 · 江湖盛汇》
📆日期：2024 年 3 月 15 日(下午 1 点至晚上 10 点)至 7 月 2 日 由 4 月 1 日起，逢星期一(公众假期除外)休息
⏰时间：上午 10 点至晚上 10 点

百年诞辰纪念 雕塑展 #MegaACEFun #MegaACEHK #ACE品牌 #MegaEvents #APathToGlory #JinYongCentennialMemorial #MegaHK