一起走过无游客的日子 - CP-Hilai Harbour汉来海港自助餐
呢间自助餐厅叫「CP-Hilai Harbour」，中文名称为汉来自助餐厅，位于Iconsiam既6楼，由台湾响当当既汉来与当CP集团共同开设。餐厅面积非常大，由日籍设计师设计，装修以木色为主，加上柔和的灯光同高楼底，令用餐环境好舒服。
自从疫情无游客之后做多好多本地人生意，包括信用咭 promo, 买3送1等等，平均唔洗 1000b一个人。所以好多团体公司都会book去食，所以坚持到今日。口味方面，都微调少少去就 local。
自助餐厅主要分为6个区，包括海鲜刺身区、西式扒类区、泰式料理区、中菜区、铁板烧区及甜品饮，饮野连啤酒都包。绕场一周都要超过5分钟，可想而知食物款式十分多。日日都有生蚝、螃蟹、大虾、多款刺身寿司等。
生蚝系泰国湾产，要点辣泰汁，蒜头同香草(怕羞草) 一齐食。我觉得时大时细，但都食左廿几只。烧虾食一两只算，因为唔系贵价大头虾，灼牛肉好鲜甜好好食。西式甜品大部份唔错。最惊喜系焦糖焗橙，好食到食左六个半边，因为无焦糖炖蛋咁漏。我其他都系拎少少试下试下。限时两个钟，手囗唔停好鬼忙，都唔多得间影咁多相