厨师发办鸟串烧，日籍主厨尽出招
餐厅：希鸟 (中环)
地址：中环皇后大道中48号万年大厦1楼2B号舖

寿司刺身嘅厨师发办就食得多，但以烧鸟串烧为主题嘅真喺好少见🐓，东京人气鸟割烹专门店希鸟嘅首间海外分店坐落喺香港中环区，由全日籍大厨主理👨🏻🍳，店内环境暗哑有情调，装潢雅致，坐喺围绕开放式厨房嘅吧台可以欣赏到师傅精湛嘅手艺👏🏽

餐厅为配合Farm to Table嘅理念，所有鸡肉菜色都选用嚟自鹿儿岛自家农场嘅黑萨摩走地鸡🇯🇵，鸡只喺无菌嘅放养环境下成长，经过多重验证，就算半熟嘅鸡肉食材都一样食得，鸡肉整体肉质爽嫩紧致、油脂分布均匀，以备长炭火烧后香气四溢，仲添加咗阵阵烟熏香🔥

两款厨师发办套还分别有14道($980)同17道($1250)菜，我就拣左前者🙆🏻♂️，呢个价钱包咗前菜、热汤、串烧、主食同甜品，当中仲试到几款罕有嘅鸡肉部位🥳

✝️鸡胸肉刺身
师傅将鸡胸烧至半熟状态，粉嫩嘅肉质口感嫩滑带嚼劲🤪，以乌鱼子同土佐醋啫喱作点缀凸出鲜香♨️

✝️鸡汤配自家制鸡肉丸
自家熬制嘅鸡汤清澈温醇，饮落顺口唔油腻🍲，里面加咗一粒手打鸡肉丸，质感柔嫩松软🍡

✝️鸡颈串烧
颈部属于多运动嘅部位，烤过后香脆弹牙🔥，配上呛辣嘅日式芥末中和咗油腻感

✝️鸡小胸手卷
半生熟嘅鸡柳卷喺薄脆嘅紫菜中间，加上豉油同芥末提鲜⬆️，配埋爆脆三文鱼籽，层次感十足💯

✝️鸡心串烧
鸡心烧到湿润唔干身，带有烟韧嘅口感😙，搭配姜葱酱更惹味之余仲有癖腥作用

✝️生麸年糕串烧
同平时嘅烤面筋差唔多，香甜软糯又唔会太痴牙👅，咸香嘅鸡面豉酱将清淡嘅味道提升，滋味十足👍🏽

✝️时令水果沙冰
食咗咁多重口味嘅嘢喺时候清一清味蕾，蜜桃沙冰盛载著天然芳香🍑，仲有粒粒干果喺面

✝️月见鸡肉棒
自家制嘅免治鸡肉烧至面头焦香，肉质软嫩但唔松散😎，秘制嘅烧鸟汁浓而不腻，蘸埋日本蛋汁更香醇幼滑🥚

✝️鸡锤软骨串烧
取自鸡腿肉接上软骨嘅位置，鸡肉兼具脆口软骨，蘸埋月见汁一齐食将风味极致提升🆙

✝️腿肉茶碗蒸配蟹肉芡汁
入口滑溜嘅蒸蛋，藏著切碎嘅鸡腿肉令精华渗透蛋浆🦀️，一丝丝蟹肉配上浓郁蛋香相辅相成，鲜甜无比🤤

✝️野菜串烧
甜脆豆烤完仍保留到爽脆嘅口感🫛，虽然外皮仲有少少㶶🤏，但确实多添咗一份诱人嘅炭焦香

✝️鸡大腿肉串烧
肥瘦交织嘅鸡腿肉咬落饱满多汁💦，放上友马山椒酱以独有嘅辛辣味剔除油腻感🌶️

✝️鸡白汤拉面
师傅选用走地鸡肉同鸡骨长时间熬煮成浓稠嘅乳白色汤底🤍，四溢嘅油香同弹牙嘅小麦粉拉面完美融合，令人回味无穷😜

✝️是日甜品
自家制嘅抹茶布甸顺滑细腻，几乎入口即融，将清幽嘅甘香喺口中扩散🍵，大福烟靭嘅糯米皮搭上红豆馅同青提带多重口感，为呢餐甜蜜作结🙌🏽