旺角闹市中既文青餐厅😍
今次黎到位于旺角上海街618号顶楼既一间文青cafe，餐厅划分左室内同室外两个用餐区域。室外既话系一个绿化空间，如果夏天又系lunch hour的话应该会好热，但冬天既话啲野食又可能好快吹冻，不过无可否认，夜晚坐外面既话，有不一样的情调😂室内既环境就相对舒适啲，而且空间都比较阔落同干净👍大家可以因应个人喜好同店员讲返坐咩位置。

餐厅既野食类型偏向日式，但又带点fusion。今次试左3样野，分别系半汤烤豚昆布面、铸铁锅北非蛋同Bailey's朱古力麻糬pancake😍

两款咸食对我黎讲比较新奇，昆布面霎眼睇有啲似中华沙律😂不过食落口其实几清新，因为系冷面，所以夏天食既话应该可以降下暑~配埋酱汁同温泉蛋一齐食，整体都唔会好dry😋之后个北非蛋又系好过瘾，佢系一款以色列既传统菜式黎，用蕃茄作主题，配埋一啲杂菜粒，例如洋葱、翠玉瓜同灯笼椒粒粒加埋蛋一齐炖成，旁边有佢地自家制既农夫吐司可以点黎食，味道酸甜又带点微辣，非常开胃🤤最后当然唔少得甜品啦~带酒味甜品虽然好多，但整得好食既又真系唔多，佢地既pancake口感好实在，同souffle pancake好唔同，食完有满足感，而且就算佢好实在，食完都唔会好饱，而且Bailey's既味同朱古力好夹，唔会食唔到大家既味😍

整体黎讲，系哩度食野虽然有限时，但环境好舒适，而且店员都好有礼貌，所以辛苦完一日想放松下既话，哩啲的确系个唔错既选择，而且又可以网上订台，真系好方便😉

📍虫二
旺角上海街618号顶楼