尖沙咀主打正宗江户前风格厨师发办
-
鮨 央泰 Sushi Hisayoshi Hong Kong

位于海港城既鮨央泰 每次经过都好想试
佢系由东京米芝莲一星餐厅「银座いわ」
著名寿司大师岩央泰同佢既入室弟子主理
主打真正的江户前风格厨师发办
严选新鲜时令食材 坚持每日新鲜空运到港
精致餐饮空间系由 Junzo Irikado设计 以木系为主调

✨皇 Sumeragi Omakase ($1780/pp)

先付 三点
✨水云醋物
选用黎自冲绳既水果蕃茄 水云中混有姜丝
食落酸甜得黎带有微辣 都几开胃
✨菜之花
用上春季当造既蔬菜 油菜花捞白饭鱼 食落清甜鲜美
✨火炙梳子鱼
火炙后逼出鱼油 配上柠檬汁同吞拿鱼丝 中和番油腻感

刺身 两点
🐟深海池鱼
师傅预先涂上酱油 味道好清 食到刺身最原始既鲜味
配搭手磨芥末 非常香但唔辣
🐟酱油渍䲠鱼
䲠鱼油脂丰富 咸甜风味带出肉质鲜美
食落较为黏口 配葱蓉同紫苏花 都几香口

烧物
🐟烟熏𫚕鱼
当晚其中一个大爱既就系呢道❤️
正值𫚕鱼当造既季节 鱼肉非常肥美
用左稻草去做烟熏 令鱼香四溢
配搭黎自京都既苹果 芽葱 姜花同芝麻
微酸微甜既做法 岩晒配搭油脂丰富既𫚕鱼食用

手握寿司 八贯
🐟 九州墨鱼
肉质厚实 口感黏密 食到墨鱼独有既鲜甜味
配搭海藻盐同青柠汁提鲜
🐟 炙烧北寄贝
简简单单既炙烧北寄贝配海盐 就已经好鲜甜❤️
🐟 鹿儿岛车海老
当日先空运到港既车海老 大大只 劲新鲜 劲爽甜

🐙软煮八爪鱼 - 当晚既重点!!
初初想黎食都系因为呢个好打卡既八爪鱼脚
职人即席捞起一整条半米长既八爪鱼脚影相
之后再将八爪鱼脚切成薄片 连柚子皮上菜
最估唔到 肉质有嚼口得黎非常软腍
职人表示系因为先软煮后冷冻 再配上萝卜再煮
一冷一 热既做法可以令肉身变得非常美味柔软
配搭柚子胡椒劲好味!
背后所花既工夫极多 完全系心机之作!

手握寿司 八贯 (续)
🐟 酱油渍赤身
个人认为酱油渍系可以将吞拿鱼鲜味发挥得最好der~
🐟 熟成大拖罗
熟成大拖罗系佢地其中一个招牌
熟成2星期后 食落咸香鲜美 仲会系口腔内萦绕不散
🐟 炙烧赤鯥
将腌渍酱油轻扫于表面 火炙烧香 释出油脂
鲜甜细嫩 鱼脂丰盈肥美 油香四溢
🐟 北海道马粪海胆
色泽为浅橙黄色 海胆膏瓣块较细
入口味道浓郁 甘甜度高 极其鲜美!!
🐟海鳗
系用番海鳗既骨去慢火熬煮海鳗
再配山椒粉一齐食 爽弹好味!

烧物
🐟酒盗烧太刀鱼
「酒盗」系指食物浓郁到好似盗走食客既酒咁停唔到口
太刀鱼就系以「酒盗」既方式 取自鲣鱼内臓去制成盐渍
再经炭火烧烤后肉质光滑细嫩 非常咸香 好岩配清酒食

✨椀物 - 面豉汤

甜品
🐣玉子烧蛋糕
系冇用面粉既情况下 只加入白身鱼同高汤整成
食落好似蛋糕一样既松软
✨红豆麻糬糍饼 + 盐渍樱花叶配当造淡雪士多啤梨
系估唔到咁好味 清新口腔 为当晚划上完美句号
-
📍鮨 央泰
尖沙咀广东道3-27号海港城港威大厦地下G111号舖
-

_omakase
_japanese
_tst