高级铁板烧
第一次系香港食日本师傅主理嘅高级铁板烧，以为会好贵，点知价钱同平时食开嘅铁板烧差唔多，尤其系lunch set， $480已经可以食得好好啦😍

当中包括:
季节沙律，配嘅系自家制嘅酱，非常新鲜又开胃。

茶碗蒸，系即场用铁板烧蒸嘅，估唔到口感咁滑，仲有粒粒蟹子增加口感。

北海道产嘅带子，大大粒嘅带子外层加咗脆脆，上面一层厚厚嘅tartare酱同三文鱼籽，口感真系非常丰富，外脆𥚃嫩，而且酱好好味😋

鳕鱼料理，餐厅会根据季节去拣唔同嘅鱼，今期系鳕鱼，非常鲜嫩，配上师傅特制嘅海苔柠檬牛油酱，真系好香，另外鱼皮分开煎，非常香脆👍🏻

A4宫崎和牛簿烧，块牛一睇就知系靓野，油脂分布非常平均，牛味又重，仲有肉汁，师傅用寿喜烧做法，非常好味，配上蛋汁更嫩滑🥰

食铁板烧当然唔少得汤同炒饭啦，佢嘅炒饭系我食过最唔油嘅炒饭，通常啲餐厅为咗香啲，加好多牛油，但系呢碗居然一啲都唔油，但又有饭香。

最后嘅甜品都好有诚意，系自家制嘅焦糖雪糕，好好味，食完真系好满足💕餐厅除咗装修非常grand之外，服务都好好，食得非常开心，以后一定会再带屋企人去食☺️

餐厅名: 三原铁板烧
地址: 铜锣湾开平道一号三楼

美食