车轮牛角酥汉堡，社会公义做得到
餐厅：荳子 (旺角)
地址：旺角亚皆老街8号朗豪坊4楼7号舖

2013年开办嘅本地咖啡店——荳子，由荃湾巷仔细舖位扩展至港九新界，半年前更喺朗豪坊开设分店🈺，店内设计以简约清新嘅地中海⾵格为概念，环境宽敞舒适，就算开喺food court隔离都唔会有嘈吵局促嘅感觉💆🏻♂️，餐厅主打西式轻食、甜品同咖啡，仲会不定期联成集团旗下嘅姊妹店或者其他品牌推出各款限定美食🍴

为咗实践「取诸社会，用诸社会」嘅理念，佢哋用唔同渠道，将客人嘅消费转化为小费捐赠俾多间社福机构🤲🏽，呢排仲有同十字牌鲜奶、人字协会同本地纹身师合作，希望带动本地行业同文化嘅发展🇭🇰，真系好值得大家过嚟支持一吓💪

凡叫午市套餐或餐牌上嘅主食都可以加配前菜、汤品、小食或者甜品😎，牛肝菌汤 (+$40)配上一片片嘅牛肝菌香气四溢，浓而唔腻🍄；龙虾海鲜浓汤($44)将咸香嘅精华融入汤底，突出甘甜嘅鲜味🌊；羽衣甘蓝藜麦沙律 (+$30)加咗清甜嘅青苹果同番茄，配以酸甜油醋汁开胃一流🥗

✝️班尼迪蛋•大啡菇•车轮牛角酥汉堡 $78
餐厅首度联乘副线推出新产品🆕，将新鲜焗制、酥脆嘅法式车轮牛角酥同英式班尼迪嘅流心蛋，配上饱满多汁嘅大啡菇层次感十足🍄，以美式汉堡嘅设计融为一体🍔，多重口感嘅滋味令人回味无穷🤪

✝️澳洲肉眼扒(7oz)•太阳蛋•薯条 $168
切条嘅肉眼扒煎至五成熟🥩，富纤维感嘅肉质幼嫩中带嚼劲，牛味较淡但胜在肉汁都算丰富💦，伴碟有两只太阳蛋同埋金黄酥脆嘅粗薯条，以呢个价钱嚟讲都几抵食👌🏽

✝️Chocolate Mountain +$30
雪山造型嘅自家制甜品相当吸睛👀，主要由70%黑朱古力慕斯同蛋糕整成，每啖散发出甘醇嘅香气🍫，甜蜜细腻嘅忌廉同焦糖香蕉内馅令整体口感更湿润，搭配出甜苦交替嘅滋味

餐饮转其他正价饮品可以减$8🤟🏽，的骰嘅Piccolo latte($28)将少量奶泡同浓缩咖啡融合，带出芳香而充满深度嘅韵味☕️；餐厅仲有驻场咖啡师为大家制作独一无二嘅3D Latte Art，叫某几款Latte就有，仲要唔洗加钱架😉，伯爵茶拿铁($36)清幽嘅茶香同十字牌鲜牛奶 (+$3) 温醇嘅奶香完美结合，可爱嘅猫猫真喺令人唔舍得破坏，影多两张相先📸