体验做一日公主嘅公主级火锅
为左体验做一日公主嘅感觉，我就到访尖沙咀嘅「香香宫煮」体现皇帝级嘅享受。餐厅设计主要用咗宫廷级嘅装饰，用咗好多红色嘅灯笼同埋墙身嘅颜色，真系有啲似返去古代嘅感觉㗎。

雍穆公主•花胶鸡汤锅
用咗传统嘅三黄鸡，每日新鲜熬制，加上厚身花胶，所以汤底浓郁呈胶状。味道浓郁又有鸡肉嘅鲜甜味。

艾莎公主牛肉宝盒
打开木质嘅宝盒，会见到烟雾弥漫嘅感觉。入面有多达七款唔同嘅肉质，包括顶级安格斯牛肉、牛展、顶级雪花肥牛、牛王喉等等，一次过可以试晒咁多款真系唔错。

手工蟹籽鲜虾丸
弹牙嘅新鲜虾丸，面头再洒上金黄色嘅蟹籽，口感弹牙又有虾肉嘅甜味。

伊比利亚橡果猪
粉嫩又肥瘦均匀嘅橡果猪，肉味比较浓郁，口感软腍。

香香宫煮响铃拼盘
当然要试埋佢哋最出名嘅黄金蛋黄响铃，口感香脆又有蛋黄嘅咸香味。

香香宫煮 (金巴利中心) (尖沙咀)
尖沙咀金巴利道35号金巴利中心地下A号舖