【隐藏餐单🏮小巷里的串烧居酒屋】
太子有条后巷挂满灯笼，充满日本氛围，原来隐藏咗间居酒屋喺度！
餐厅主打串烧，另有不同肉类、炸物等，超适合同frd小酌一番🍶

🥢前菜 - 牛蒡煮牛肉
一坐低餐厅就提供咗前菜，牛肉酱汁非常入味，食咗第一啖就已经好想用嚟捞饭🤣为成晚嘅串烧之夜打开序幕！
前菜同时配有腌萝卜、青柠，店员表示可唧落后续嘅肉类串烧，非常refreshing！

🐖波子提猪肉卷｜苹果猪肉卷
好少机会食串烧𠮶阵同时配水果，今次拣咗提子同苹果呢两个组合😆烧好嘅猪肉包住生果意外地夹，生果清爽嘅感觉可以中和烧肉嘅肥腻感，食多几件都仲得😍而且波子提好大粒，一咬爆汁劲清甜juicy，口感即刻提升唔少！

🍳免治鸡肉棒配日本初生蛋
食串烧必嗌之选！免治鸡肉包住一粒又一粒嘅鸡软骨，劲有咬口；火侯控制得刚好，捞埋蛋酱同照烧汁绝配！

👅牛舌心
每块牛舌嘅厚度都比想像中厚，两个人share 一串都完全无问题～牛舌烧得啱啱好，唔会overcooked又够哂烟韧👍🏼沾上芥末籽酱，酸酸地味道不错，唧埋柠檬都得🤣

🧀碳烧芝士豆腐
餐厅嘅hidden menu✨店员极力推荐试下呢道菜，烟熏芝士用火枪烧完上台，离远都闻到碳烤味，咬落去芝士系呈流心状态😍芝士控嘅人一定唔可以错过！

🍍黑糖烧菠萝
好juicy好甜！唔同一般嘅烧菠萝，餐厅喺菠萝洒上黑糖再用火枪烧，黑糖受热之后焦糖化，食落多咗层焦糖喺面，增添口感好crispy🤩

🪿慢煮鹅肝
四块鹅肝下都各有一块白萝卜垫住，本身以为系装饰🤣估唔到夹埋一齐食个味道好惊喜！慢煮鹅肝口感十分软滑，搭配清新嘅白萝卜，完全估唔到嘅一种新食法！

🐂蒜香牛肉葱卷
薄切牛肉包住葱同蒜粒，提升层次感更惹味；葱同蒜粒嘅比例啱啱好，唔会掩盖咗牛肉味道；底下仲有苹果片，减低油腻感👅

🍻手工啤酒
呢度供应三款手工啤酒，全部都系香港制造，拣咗两款嚟试，各有特色😋
❍ Heroes Phoenix Oolong Pale Ale
果味+花香
以冷泡凤凰单欉入酒，散发热带水果味道及花香，柑橘味好突出，整体啤酒味轻身却带层次，入口清新爽口
❍ HUNK SIR MILFFEE PORTER
咖啡+黑朱古力
传统英式黑啤Porter带有浓厚黑朱古力香气，味道甜甜的，比想像中容易入口，钟意咖啡嘅朋友可以拣呢款手工啤试下！

🍮芝麻奶冻 +牛乳奶冻
餐厅最后仲送上自家制甜品，两款奶冻嘅牛奶味都好出！
而黑芝麻𠮶款，每一啖黑芝麻既味道都会慢慢渗出黎，而又唔会盖住牛奶味，平衡得好好！

总结：老板热情好客，小店充满人情味好温馨❣️

🍽乔居酒屋
📍太子花园街239号嘉庆苑地下C号舖
@kyou_izakaya

美食 food food

ie hk hkig blogger gram