「中环·利宝会馆」 口碑佳 份量适中
💛中环·利宝会馆💛
⁡
店舖行中式摩登设计 啡金时尚色调
空间感好足 座位宽敞舒适
待应态度不错几友善 但上菜速度有点慢🥲
⁡
今次食咗个二人餐 份量刚刚好👍🏻
啱啱好食晒 全部 都可以浅尝食多几款😌
⁡
🌈前菜：一口和牛酥+水晶鲜虾饺
一只幼长嘅碟上台 垫咗块假叶
好似架船仔咁 几得意 每样一件
和牛酥好似萝卜丝酥饼咁 外皮酥脆👍🏻
咬落啖啖和牛幼丝配搭个好似叉烧酱嘅馅
⁡
🌈汤：花胶杏汁炖白肺汤
呢个必叫‼️好少有煲得咁好味😋
汤又够清 咸鲜味足 仲要好多料
有齐鸡肉/花胶/瘦肉/猪肺片😱
花胶爽滑唔算黏口 鸡肉又够嫩唔韧
⁡
🌈主菜1️⃣翡翠白玉六头鲍鱼
每碟1只六头鲍鱼+白萝卜
用蚝油酱汁都系经典配搭
个汁唔会过咸抢晒味 鲍鱼就更加唔洗讲
嫩滑饱满够鲜甜 一只真系唔够喉🤭🤤
⁡
🌈2️⃣鸡油花雕蒸马友
呢味菜式唔知系咪Signature
因为未上桌嘅时候已经闻到浓浓花雕酒味
真系好香好醇厚 加埋满满鸡蛋黄+鸡油🤩
马友又大块又够嫩滑冇乜鱼骨啖啖肉😎
从来都未试过咁食 非常有创意又好夹
⁡
🌈3️⃣浓汤浸时蔬
时蔬煮得熟透 有啲软软嘅口感 但唔会过烂
汤底味道浓郁 鲜味香味都好足 口感滑顺
⁡
🌈4️⃣姜葱焗乳鸽
乳鸽焗得金黄色 表面焦香 非常香脆😋😋
鲜嫩多汁 姜葱嘅味道都同肉融合埋一齐
乳鸽嘅细嫩口感同姜葱嘅爽脆口感几协调
⁡
🌈甜品：陈皮红豆沙+酥皮蛋挞
红豆沙唔会好甜 入口软腍
清甜中带一股果皮香👌🏻
酥皮蛋挞口感松化带油香
蛋香浓郁 入口滑溜且甜而不腻
⁡
☆~*~★~*~☆~*~★~*~ ☆~*~★~*~☆

揾食地点🥢： @li_bao_house
📍利宝会馆 (中环)
中环德己立街1-13号世纪广场4楼
⁡
馆 厅