尖沙咀劲chill靓景fusion菜酒吧
嚟咗呢间位于尖沙咀黄金地段商厦顶层嘅泰菜餐厅，餐厅拥有无敌维港景色，休闲嘅氛围加埋个酒吧，啱哂收工同朋友同事过嚟chill吓。呢到嘅嘢食鸡尾酒都非常有泰国特色，高质之余卖相精致，打卡一流。

Scallop Carpaccio $128
带子刺身薄薄一片晶莹剔透，加埋清新嘅酱汁同精美摆碟，简直系视觉享受。

Mango & Green Papaya Beef
Salad $148
想食得健康d叫咗个沙律，有青木瓜同芒果丝加埋沙律菜做底，口感爽脆，辣辣哋非常开胃。面头嘅烧牛肉都整得好腍。

Lobster Pasta With Lobster Tail $268
主食方面叫咗个龙虾意粉，面头有大大只龙虾尾，啖啖肉之余肉质爽弹。意粉系比较粗身嘅一款，不过口感都弹牙，而且挂到个龙虾汁。

Curry Duck Confit $258
朋友钟意食咖哩所以叫咗份咖哩鸭脾。个咖哩超香浓同惹味，质感仲好幼滑，夹埋鸭脾肉一齐食真系好好味，食得辣嘅话一定要叫。

No More OT Please!$108 (HH)
坐得吧台又点可以唔叫返两杯cocktail饮，仲可以睇住调酒师即席表演。呢杯用石榴糖浆、柠檬汁、番石榴同vodka调制嘅火红色cocktail就啱哂唔想OT嘅朋友，清新得嚟易入口，加埋粉红色干花摆设真系睇见都心心眼。

Every Day Feels Like A
Monday!$108 （HH）
我就叫咗呢杯用日本柚子汁、青苹果、汽泡酒、蓝橙利口酒同gin调配嘅cocktail。仙气嘅蓝色令成个人都轻松哂。
。
。
KABOOM (尖沙咀)
尖沙咀北京道12A号太子集团中心20楼
。
。#foodphotography