原来朗豪坊有间咁靓嘅Cafe🍽️
THE PONT喺朗豪坊2楼，行过门外已经被绿色植物布置吸引住🍀餐厅内亦都以田园风格为主题，充满小清新气息。
同朋友嚟食个tea，有tea set亦有a la carte，价钱亦唔贵~

四式芝士烟肉薯条🍟邪恶之选，芝士满满，平时坊间嘅系烟肉碎，呢度系一片片比你🥓而薯条都唔会落太多盐，感觉冇咁咸，邪恶之中又健康返啲😆
泰式蜜糖辣肉肠🌶️肠嘅中间有香茅同辣椒，充满泰式风味，辣辣地好惹味😋出面好少食到，有特式！
经典班尼迪蛋🍳蛋做到流心效果，满意🥗沙律菜好新鲜，而且有大量添，仲有青瓜同车厘茄。
日式温泉蛋腩肉意大利饭🐷一嚟就梗系拮穿只温泉蛋先，好疗愈😆饭嘅软硬适中，带点蘑菇香。而腩肉就好腍好香，口感仲脆脆哋~
饮品就点咗焦糖咖啡同朱古力咖啡☕️正常发挥啦~点咗咁多人，最后埋单都只系三百几，喺旺区嘅商场舖嚟讲，有得食又有得打咭，真心抵！