#五一旅行任意门 安华汇7楼有唔少食肆，呢家玲珑粤菜系扶手电梯口附近，周日中午黎食饭，唔洗等位，茶水系大壶普洱茶。
葱油淋鸡，招牌菜黎，落单后5分钟都未到就上菜啦，红葱头青葱芫茜干葱铺上面，淋油，够晒香亦够晒油，鸡肉本身调味够晒，另外配左一杯豉油都唔系用啦，鸡肉肉质唔算扎实，食剩打包，翻去再叮热食，肉质反而紧实左喔。
鲍汁手工豆腐，里面好嫩滑，送饭食唔错，豆腐一面撒左d碎葱？但系又唔似葱味。另外伴碟既红芸豆就好霖。
高汤虫草花浸桑叶，等左35分钟都未见上，同店员讲先至黎，桑叶唔老不过碟头就细d，2个人几下就食晒，可能等得耐。
果粒手工杏仁豆腐，冻品，上面有d碎草莓，甜品好香杏仁味，嫩滑清甜。