中环HOLDON 酒吧餐厅 高质酒吧 好多打卡位
❤️中环·HOLDON❤️
⁡
呢间酒吧餐厅位于中环兰桂坊
新开咗3个月左右 楼高3层😱
周围都系充满未来Cyber风 完全系我杯茶
特别系好多盏鬼又有童趣嘅设计
黑白格地砖+霓虹灯+立体眼仔+打卡楼梯
OMG 连啲坐椅都好特别😎😎
仲有个DJ live位置 包场一定好爽😂
⁡
入夜后好多放工嘅人嚟relax饮返杯🍺
外国人著住西装边同Bartender吹水劲开心
⁡
讲讲下离晒题 唔好以为酒吧野食会麻麻地
近年香港嘅酒吧餐厅水准提升咗好多
呢间Bar Restaurant就提供多款选择
沙律🥗/餐汤🫕/海鲜🦀/汉堡🍔/扒类🥩
仲可以饮埋特色Cocktail🍹真系一绝
⁡
🌈白酒罗勒煮托托蚬 $145
只只蚬都肥美又鲜甜 啖啖肉冇空壳
而且个汁同蚬配搭好match
唔会抢味之余仲提鲜 仲有好香罗勒味
2人share食份量刚刚好 yummy🤤🤤
⁡
🌈蕃茄芒果蟹肉他他 $158
估佢唔到有蟹肉他他 仲要好食唔腥
劲多肉汁 加埋蕃茄+芒果🥭做成3层
上面仲有块炸咗似红叶模样嘅脆脆
作为前菜/小食一流吖 仲要成个艺术作品咁
唔记得讲埋 隔离色彩缤纷嘅沙律菜都要赞🥗
最钟意佢够晒酱汁 条条菜都沾到👍🏻🥰
⁡
🌈炭烧西班牙伊比利亚黑毛猪鞍 $258
好细心预先一早切好晒 摆盘劲高质
搭好晒仲有啲花🌻/芫茜🌿用汁画埋碟
仲有2块网格形状嘅脆脆 松脆又焦香
猪鞍嘅肉厚度适中 头尾会有啲肥位
唔会油腻仲要啖啖肉
加埋萝卜🥕薯仔🥔笋伴碟 垫底仲有紫薯
咸咸甜甜个味道都几得意😊
⁡
🌈香煎带子伴豆瓣酱龙虾汁扭扭粉 $158
⚠️呢个真系要趁热食唔好似我咁挂住打卡
开始变暖入面嘅扭扭粉会变硬😂
龙虾汁烹调唔重口味 豆瓣酱辣味突出
香煎带子刚刚好微焦内软滑够大粒🤤🤤
⁡
🌈Fig Blossom $145
我唔系太饮得酒 好细心帮我转mocktail👍🏻
用上自家制无花果糖浆+梨汁+茉莉茶制成
茶底用咗饮拉丁神灯造型嘅玻璃壶呈上🥰
另有无花果切片+2片橙干+松果等装饰🎍
虽然转咗做无酒精 但依然能衬托餐点风味
⁡
🌈Apple Delight $145
呢杯造形似平日饮嘅smoothie咁
但其实内有乾坤 系加咗yogurt嘅cocktail
由焦糖牛奶+yogurt+Vodka+苹果酒制成
杯边插住青苹果片/橙皮/车厘子做装饰
易入口仲有yogurt打底
💁🏻♀️适合女仔饮唔怕醉醺醺😵💫😂
酒甘涩味到最后先渗出👌🏻
⁡
☆~*~★~*~☆~*~★~*~ ☆~*~★~*~☆

揾食地点🥢： @holdonhk
📍HOLDON (中环)
中环云咸街29号LKF29地下及1楼

推荐 餐厅