食物质素以至品牌形象皆一丝不苟👍🏻
去完大阪京都旅行，试过当地既贝汁酱油拉面，一直念念不忘。经过一轮资料搜习，发现屯门红桥有间称为「珈琲面店」既拉面舖推出左煮干同酱油系列。究竟咖啡配拉面系wine pairing既概念吗？好有兴趣去试试😌

🍜贝汁拉面
主料系慢煮猪肉叉烧，松软而嫩滑，感受到肉既鲜美。配上新鲜既蚬，汤头淡淡既酱油咸味牵引住贝类加鱼类熬制出黎既甘甜，贝香味鲜明，令人印象深刻，我将汤饮到最后😋

🍜白酱油高汤拉面
对比贝汁既「高调」，白酱油汤头入口有种温柔优雅既质感，琥珀色泽，盐味较突出，鲣鱼的味道同白酱油相结合，非常有顺滑感

店家介绍面条时，告知加入少许黑麦同微量荞麦，所以质地同荞麦面竟然有丁点相似，但较粗而有嚼劲，有麦香另有少许滑滑既感觉。老板话舖头开初用东京风幼曲拉面，依家变左自制粗直拉面，而且不断试验中同收集意见改良紧，赞👍🏻

☕️冷萃咖啡
主要用El Salvador出产既Gardelli再另加少许印尼产地既咖啡豆。入口带朱古力、梅同枣果类既香气，入口甘甜，配贝汁/酱油高汤有呼应作用。老板提醒要先呷一口咖啡，之后再品尝拉面。一试之下又真系有啲微妙既化学作用，之后饮既咖啡酸度会变得更加柔顺圆润

☕️咖啡涷
三个渐层，由底部「斋啡」，中层「奶啡」，到面层「牛奶」组成，浓厚既咖啡味，冰凉顺喉好清新🪭

🍰芝麻奶酥巴斯克蛋糕
黑芝麻味好抢眼！芝士味道轻盈，特别在于面糕面加上奶酥，金黄香脆，口感有层次之余，糕身质地仲好幼滑，而且份量十足😋

🍮昭和风硬布甸烧
店员介绍系用上一整只「晓」鸡蛋，由于蛋黄属橙红色，所以布甸色泽深黄。一羹连浓浓微苦的焦糖拌上口感顺滑又紥实的超级重蛋味既布甸，满满怀旧既昭和吃茶风

注意到墙上挂住 / 店员身上既Tee、长袜都系店家既自家品牌服饰，仲有自制既贴纸、小挂画同面具，感受老板由食物质素以至品牌形像都系咁一丝不苟。言谈间亦感觉到老板对材料既熟悉度，以及食物制作既认真细致程度，都令我非常佩服。其实坊间已经少有小店肯为每道菜有如西餐一样介绍俾食客认识，而且仲会同客人倾偈互动，听取意见。
咁美好既体验，用心既小店，更加要多多支持。期望下次再光顾会有新既菜式或者新既改革作品，可以好好品尝😋

🟰🟰🟰🟰🟰🟰🟰🟰🟰🟰🟰🟰🟰🟰
顶立
@damn_lab_tm
@damn.hk.office

地址：屯门井财街9号锦发大厦地下20B号舖

天地珈琲天国
#TENGOKUSEKAI
ie blogger 分享