尖沙咀厨师发办，鮨岸值得你去拣
餐厅：鮨岸 (尖沙咀)
地址：尖沙咀海防道38-40号中达大厦13楼

上年12月由深水埗太子𠮶边搬到过嚟尖沙咀嘅鮨岸 @kishi_house ，主打Omakase🍣，餐厅师傅跟日本大师学艺，希望用传统嘅方法炮制每一道菜同寿司🧑🏽🍳。加上佢哋每日喺日本拎飞机货，确保食客食到嘅都喺最新鲜时令海鲜🦀

午市Omakase最平$398就有13道菜，仲有啱晒附近打工仔嘅日式Lunch Set🍱，最抵食嘅盐烧鲭鱼定食都喺$98；而晚市就主打Omakase同丰盛蟹宴，叫A La Carte Menu嘅串烧同炸物一样得。今次我就叫咗个十八道菜Omakase——樱($798)，包括3款前菜、5点刺身、1品料理、6贯寿司、江户前玉子、吸物同甜品🍧，呢个价钱坚喺几抵食🤑

前菜三款
✝️汁煮茄子配上手拆嘅蟹肉碎
✝️公鱼南蛮渍用咗糖醋酱汁腌制，酸酸甜甜几开胃
✝️矶煮黑梅贝慢煮咗两三个钟，大大粒弹牙得嚟软腍入味

刺身五点
✝️爱媛县蜜柑鲷，就咁食唔洗加豉油已经有阵阵蜜柑香🍊
✝️4-5月当造嘅北海道鲜墨鱼🦑，师傅切成细密嘅十字坑纹，食落爽口绵密，扫上酱油同柚子皮带出鲜味
✝️日本象拔蚌切成均匀薄片，只喺加上青柠汁提鲜就可以食到象拔蚌嘅鲜味，比加拿大象拔蚌更鲜甜
✝️炙烧新鲜北寄贝，清新得嚟带有火炙香烤滋味🔥
✝️华涟生蚝饱满大只，蚝鲜味亦比较重🦪，加上师傅自己调配嘅柚子酱油同食用花辟除晒啲腥味

一品料理
✝️劲大只嘅日本虎虾🦐，长过我只手掌✋，虎虾上面铺满浓郁嘅虾膏同蛋黄酱，烧香之后更加惹味😋

寿司六贯
✝️轻轻熟成过嘅九州深海池鱼，肉质细嫩爽口带有油脂香
✝️北海道新鲜带子无急冻或者雪藏过，完美呈现返带子嘅鲜甜香味，加上柚子皮就更上一层楼👍
✝️江户前嘅代表之一——小肌，出面好少见，因为处理工序相当繁复，盐腌、去水、吹干、醋浸，少啲心机都唔得，柔软嘅鱼身加上酸、鲜、咸嘅层次确实唔可以错过🤤
✝️北海道赤虾放上乌鱼子，乌鱼子就成为咗赤虾嘅调味料，虾嘅鲜味double up⬆️
✝️赤鯥喺日本最高级嘅白身鱼之一，丰富嘅油脂加上出色嘅鲜甜肉质令人欲罢不能😋
✝️和歌山蓝鳍吞拿鱼，用咗大腹呢个无筋嘅霜降部位，入口即溶嘅滋味同丰腴嘅鱼油香喺口中徘徊，妈啊我想食多件😍
✝️师傅仲送多咗件秋山县白海胆手卷，海胆味道清雅无涩味，口感幼滑细腻，连埋香脆紫菜一齐食形成口感上嘅对比🆚

✝️江户前玉子
坐低无耐就见到师傅已经开始整紧呢个江门前玉子，出色嘅火候同时间掌握，令玉子表面微微焦香，而中间湿润软绵够晒细腻，加上蛋香同高汤浓鲜香味喺一个唔错嘅饭后小食☺️

吸物
✝️相当清甜嘅舞茸菇金鲷清汤，最啱就喺食完一餐大餐之后解吓腻，汤入面仲有舞茸菇同金鲷鱼肉添🤓

甜品
✝️最后送上白桃味雪葩同芒果味雪糕雪米糍，所有油腻滞嘅感觉食完呢个甜品即刻消除晒，带著甜蜜幸福嘅感觉结束呢餐丰盛嘅Omakase🔚