人气重庆火锅店🌶️
即使天气热咗，但都唔会减低对打边炉嘅热情，方叔叔不时会推出不同口味嘅汤底，又会有时令食物，今次去见到仲多咗个酱料区，入面仲有几款小食同水果，又几好㖞

鸳鸯麻辣 x 猪肚鸡锅
麻辣锅系呢度必点！另一边叫左猪肚鸡锅，入面好足料，汤头浓郁，开始打边炉前饮咗成碗！

今期时令食物有鲜活海蛏 & 姬松茸菇!蛏子以冰镇上台，食落好新鲜！姬松茸菇大大粒，好有口感又有营养！打边炉点少得牛肉，安格斯牛板翼 & 美国牛板腱每款都叫咗半份，放落麻辣汤底食好惹味！手打墨鱼滑 & 手打鱼籽虾滑真材实料，两者都好弹牙又足料

此外仲叫咗好多蔬菜同面食，当中功夫莴笋片卖相精致，排列得好似朵花嘅造型！武隆苕粉口感烟韧弹牙，挂汤吸汤一流，呢个必食！

最后食埋佢哋嘅甜品，红糖冰粉 & 红糖爆浆糍粑!两样都好得我欢心，冰粉清甜爽滑，解辣一流！红糖爆浆糍粑口感软糯，包住红糖，香甜不腻

🍴方叔叔重庆老火锅
📍沙田沙田正街18号新城市广场一期7楼709号舖