香港🇭🇰 | 玩味十足港风何兰正💿🥢
何L正？真系Ho Lan Jeng啰🪭！
呢间真系回头咗好多次 每次食完都念念不忘
本地怀旧风 同个名一样 玩味感十足
好钟意佢哋嘅style 够哂贴地 仲要系兰桂坊
平时夜晚嚟超有气氛 成日爆场
今次日头嚟食个Brunch先😆

🥬 清蒸高山娃娃菜($78)
配生晒虾米忌廉汁 | 鲜铅笔菇 | 嫩炒烟肉
娃娃菜清脆爽口 带浓郁虾米鲜味
铅笔菇味浓 肉质细嫩爽口 配烟肉咸香风味

🐷 24小时慢煮伊比利亚叉烧猪油捞饭($188)
慢煮叉烧入味 肉质鲜嫩 入口软腍 份量多
米饭粒粒分明 吸收晒猪油精华🤤
配日本温泉蛋 | 韩国紫菜 | 红洋葱渍 | 大豆芽
捞匀一齐食超级滋味又丰富 且平衡油腻感

🍔 韭黄煎封龙趸鱼柳汉堡包配薯条 ($168)
汉堡包加韭黄真系第一次试 好特别
龙趸鱼柳煎至金黄酥脆 食落有鱼肉鲜味
配大烤菇红洋葱渍 啖啖都充满满足感
X.O.蛋黄酱辣粉粗薯条 亦非常惹味！

🧊 焦糖燕麦椰奶冰咖啡 ($68)
最中意奶啡 仲要系椰奶点可以唔试吓
椰香味重 饮落顺滑 咖啡唔苦又够哂甜
个人就好中意 不过饮到尾声会越饮越甜
唔钟意太甜嘅可以试吓另外𠮶杯鸳鸯☺️

🧉 鸳鸯 ($68)
系伯爵奶茶加咖啡 呢个配搭好出色
饮落带淡淡伯爵茶香 又有咖啡嘅浓郁同苦甜
好匹配嘅配搭 男女都好啱饮

＊呢度主打本地手工啤 咖啡系列假日限定㗎

▪️ 何兰正 | @holanjeng
📍 中环云咸街29号LKF29 2楼