兰桂坊海鲜扒房，美味精致尽隐藏
餐厅：Porterhouse - Seafood & Steak (中环)
地址：中环兰桂坊德己立街30-32号加州大厦7楼

兰桂坊除咗喺中环饮酒嘅好地方，其实当中仲有唔少餐厅🍴。其中加州大厦7楼呢间开咗接近9年嘅海鲜扒房——Porterhouse - Seafood & Steak最近就推出唔少餐饮优惠🎉，希望喺疫情之后协助带动返兰桂坊昔日嘅人气🤩

舒适宽敞嘅环境，配合柔和灯光同典雅设计✨，塑造咗一份既有情调又带有啲浪漫嘅气氛💕，加上平日晚上唔算太多人，最适合带埋另一半过嚟庆祝纪念日，或者带亲朋好友过嚟庆生🎊

坐低叫完嘢食无耐就送上一盘餐包🥖，另外叫咗杯可爱嘅Latte同Cappuccino打开今餐序幕😌

✝️澳洲哥芬湾生蚝 $308
一份有半打，虽然感觉有啲贵，但原来南澳嘅哥芬湾海水接近零污染，呢个先喺珍贵之处。蚝壳大约10-12cm长但蚝身就比较细小🦪，胜在蚝肉肥美饱满，加上入口绵滑，裙边爽脆，咸香、鲜甜、清新、绝无腥味👍

✝️慢煮鸡胸沙律 $188
骤眼睇鸡胸份量好少，但原来铺晒喺沙律底🥗，鸡胸新鲜咬落一啲都唔嚡，另外仲有堆砌得靓靓嘅牛油果🥑、红提子切片🍇、香口脆粒，配埋甜蜜嘅枫糖酱更加开胃🍯

✝️纽西兰400日谷饲纯种和牛肉眼扒 $378
200g嘅肉眼扒虽然一开始望落卖相麻麻哋，但食完第一啖之后就好有惊喜😍。谷饲和牛第一刀切落已经非常柔软，食落肉质肥美软嫩，牛脂香仲特别浓厚出众，肉汁锁住喺牛扒中间💦，淋上红酒汁更加滋味😋

✝️烤牛骨髓配黑松露酱 $168
牛骨髓上面加咗黑松露酱、百里香、蒜、胡椒等香料，拎去烤焗逼出油份🔥，餐厅职员将牛骨髓用匙羹刮到烤香咗嘅香脆多士上面成为多士嘅精华酱汁，用手拎住嚟食，虽然有啲咸，但每啖都享受到牛骨髓嘅油香🤤

✝️Sauvignon Blanc Juice $98
夏季推出嘅限量特饮，嚟自法国嘅有机无酒精葡萄汁🥂，极致嘅醇香，每啖都渗透出白葡萄嘅香甜同清新，浓缩丝滑嘅质感令人一试难忘，除咗带嚟一股热带风情仲啱晒唔饮酒嘅人士☀️

最值得赞喺呢度嘅服务(希望唔喺因为少人嘅关系)，就算我问好多问题好多request，店员都喺全程笑而无黑面，而且食面包一只碟，前菜一只碟，主菜又另外一只碟🍽️，餐具都会密密换同埋见到台污糟咗少少都会帮手抹☺️