九龙湾日本过江龙火锅店😋
落雨凉凉哋想打下边炉，有一段时间无食过日式火锅放题，系时候要止下瘾.这间旬彩火锅系日本嚟嘅过江龙，依家系试业中，装修以木系为主，地方坐位好宽敞，唔怕张台细，无位放火锅料，我哋叫咗个期间限定嘅刺身拼盘配120分钟火锅放题，见佢做紧推广$328一位，汤底选了旨辛同飞鱼汤，旨辛即辣而好味，果然无改错名，仲可以去自助bar加啲蕃茄、菇、洋葱根据个人喜好提升味道.刺身拼盘好快上台，摆盘贯彻日本人讲求精致美观的作风，加咗啲竹、藤篮等去美化食物，好适合打卡，用料新鲜，拼盘上有两只矶煮鲍鱼，味道不会死咸，而系带点淡淡的甜味，肉质弹牙，系不错的下酒小食.牛肉都有好几款可以选，有澳洲和牛、美国黑牛、美国牛板腱，美国精选牛肉仲有健康价值较高的西班牙栗豚，牛板腱这个部位一只牛大概只有2公斤的份量，所以都几珍贵，平时都好少食这个部位，今次可以试吓.各款肉的肉质也新鲜，厚薄适中，油脂分布平均.除咗肉可以任叫之外，仲有寿司、日本韩国雪糕雪条可以任点，推介大家可以点抹茶味雪糕，浓厚的抹茶味，抹茶控必like.自助bar台仲有好多饮品、配菜、甜品、酱料可以随便拎，配菜方面放题比较少见的花生芽及三文鱼这𥚃也可以食到.饮品个人比较钟意花旗参蜜.酱料有个叫美味柚子醋用嚟点肉都几清新几夹.服务方面职员都好亲切，性价比高，下次再同朋友食过先得.