呢家鸡煲有4种鸡2个档位价钱，118一只果园鸡同老鸡，188系脆皮鸡同扇鸡。惊住老鸡韧于是要只果园鸡，等药膳汤底煲滚就放鸡肉煮，第一轮汤都甜，第一轮住晒d鸡，汤就更加好饮，睇下佢煲药膳养生锅底有乜？红枣沙参杞子香菇五指毛桃蜜枣，所以清补汤会越煲越甜。
果园鸡鸡肉唔错，店家配左一碗姜葱一碗椒圈豉油，仲介绍姜葱系手剁唔系机打，打鸡锅，姜葱油最能提鸡肉鲜味啦，至于椒圈豉油既咸辣味，感觉就抢左鸡肉鲜甜。
蔬菜要左一份杂菜同冬瓜，杂菜有娃娃菜油麦菜生菜，因为系药膳汤底所以唔要萝卜要冬瓜，食完晒d鸡饮够汤先煮冬瓜，再浸青菜。呢几样蔬菜最好食既系冬瓜，因为煲霖左既冬瓜嗦晒药材汤既甜味，唔需要任何调味啦。
如果讲美中不足既就系餐厅无洗手间，要去隔离用人地单位既，机智既话出地铁前先去洗手间就无问题啦