【泊港渔市场】新鲜海鲜刺身，适合一人享用
去渔市场基本上喺日本行程必去之一嘅地方🐟，重点当然喺食最抵食又新鲜嘅海产刺身啦🦞。讲到冲绳嘅渔市场，近住那霸市嘅泊港渔市场都可以话喺数一数二，门外仲有免费停车场比前往渔市场嘅人停泊，就算喺单轨电车美荣桥駅行过去都喺15分钟左右，够晒方便，唔怪之得唔少当地人都会过去买海鲜返去食🤓

泊港渔市场晨早7点就开，不过唔少商铺都喺啱啱开始处理新鲜打捞返嚟嘅鱼🐟，同埋部份商舖都无咁早开，想过嚟有多啲靓鱼拣又有好嘢食，接近中午11-12点𠮶啲时间就最啱

场内大部分海产都喺即场海鲜处理、切割、包装，想原条鱼买又得，买鱼生又得，仲有烧海鲜同丼饭，同时设有唔少座位比客人买完直接即场喺度食，而我就喺其中一个即买即食嘅游客喇😝

分别去咗两间水产店买嘢食，其中一间叫坂下水产买咗个800円(大约港币45蚊)嘅海鲜北海丼，入面有蟹柳、三文鱼籽、甜虾、玉子、螺肉、八爪鱼、三文鱼、北寄贝，望落唔算话真喺超新鲜𠮶只，但胜在刺身款式多而且够抵食👍；反而重点喺另一间水产店——三高水产买嘅1100円(大约港币62蚊)大拖罗刺身，本身买返嚟喺一大条，店员问我喺唔喺即场食，我话喺之后佢哋就帮我切开埋一件件😍，大拖罗入口喺半即溶，口感新鲜细嫩，油脂香而唔会好腻，香港平时咁嘅价钱一定食唔到咁大条咁多件嘅大拖罗！但奉劝一提一个人唔好好似我咁独食咁多，真喺多到会有少少食到想呕🤣