《减压喵喵Cafe》
放工谂唔到食咩，再来到Urban Cafe和猫猫渡过一个愉快的晚上。这里真是百来不厌，尤其在忙碌的工作过后，望住慵懒的猫主子，的确解压！

点了招牌的二人餐。餐汤系南瓜汤，一如以往，香甜又浓稠。还有蔬菜沙律。主菜点了黑松露芝士野菌忌廉意大利饭，卖相好吸引，面头洒有芝士片！松露味道好香，意大利饭入口Creamy，好重奶香味，正是我杯茶！

西班牙烧烤酱黑毛猪肋骨大大件，烧得好入味！仲有一边的薯条，份量亦不少！呢个餐味道好，性价比又高，$300的价钱，又可以同猫猫玩咁耐，难怪夜晚咁多人上嚟！

食食吓嘢主子跳咗上去我对面，谂住同我共进晚餐，真系好可爱又浪漫！

特浓鲜奶朱古力好够味，杂莓梳打亦解渴，食完主菜慢慢饮。

呢度啲猫猫真系好多，每次黎都好似有啲新面孔，每只都有唔同性格，系一个大人小朋友都会好快乐嘅地方！

URBAN Cafe (兆万中心) (旺角)
旺角西洋菜南街1N号兆万中心14楼