银座顶级和牛餐厅😍


今次同朋友去东京，佢带我黎见识左一间位于银座既高级餐厅，系一间连续4年获得东京米芝莲指南一星既和牛餐厅，主打上等牛肉同当季最新鲜既食材组合套餐😎

餐厅以木系主题作装修，一入门口就会见到一张长台，大概可以座5-6人，可以望住师傅系入面准备晚餐，旁边仲有两张4人台。空间感唔错，干净又企理，而且灯光都好光猛。

餐厅既有两款套餐，有omakase course同special course。由于餐厅要准备食材，所以出发前记得预先网上订座呀！！！同埋预约左就记得要准时到呀！！！留位时间为30分钟😉

今次我地试左佢个special course menu，哩个set有8道菜，斋睇佢地既卖相都已经觉得好吸引😍

前菜有特制既咸牛肉，口感同平时食既咸牛肉好唔同，食到一丝丝咸香又有咬感既肉；之后有一个刺身冷盘，啲刺身非常爽口鲜甜；最后有一个鲜果配薄片牛，仲有即刨黑松露片，有啲估唔到水果既juicy配埋黑松露片同薄牛片既口感同味道可以咁夹，真系好surprise👍🏿👍🏿

主菜方面，可以系5款牛拣其中两款，熟成度可以以个人喜好同师傅讲，睇到肉质呈粉红色就知，口感味道都无得弹啦~~同样都系好juicy，牛既外层轻轻煎得好香脆😋😋

然后仲有个迷你咖哩返同蛋花汤，两者味道都几好，咖哩汁相对系浓味既野食，同样又系日本既代表食物；而蛋花汤清清地，恰好中和返咖哩既浓味😍

最后就系蜜柑刨冰，望住师傅刨啲冰，再倒好多好多蜜柑汁落去啲冰度，真系好治愈，好想自己整埋一份，有哩个刨冰作为哩餐既尾声，真系好满足🤣🤣

哩个高级体验，真系要credit to my dear friend😻无佢安排哩一切，真系食唔到咁美味既和牛盛宴😉和牛爱好者，真系值得黎一试😍😻



📍银座いしざき
东京都中央区银座8-7-2 堀越ビル4阶
日本〒104-0061 Tokyo, Chuo City, Ginza, 8 Chome−7−2, Horikoshi.Bldg, ４阶