上环龙味馆：$488二人餐 椰皇炖老鸡汤滋补又清甜
上环·龙味馆

今次同妈妈嚟个母亲节预热先🥰
佢听到都觉得搞笑 想食又要揾借口😂

呢间中菜之前有朋友介绍话几好食
以高雅轻奢华设计加上偏冷色配搭
配合柔和灯光及富品味嘅餐具
坐得舒服唔赶客又有几好嘅服务质素✨
下次同屋企人/长辈等小型聚餐都可以考虑

佢地其实系主打以面为招牌嘅新派中菜馆
另外仲有传统点心及经典粤菜
不过今日见到有个$488二人餐几抵食‼️
所以就冇食到招牌龙虾汤海鲜泡饭🤪

前菜三拼
黑松露绣球菌：黑松露味好出众 同菇菌好夹
老陈醋海蜇拌秋葵🪼：少少酸 海蜇够爽脆
酒香熟醉黑虎虾🦐：有惊喜 满满酒香又甜

龙肉虾饺
大家睇个名系咪吓亲呢😂
当然唔会系有咩龙肉啦 其实系龙虾肉🦞
只靓靓虾饺够晒饱满 个外皮透薄
个边位仲有金色点缀 即时觉得高档咗
几有心思 龙虾肉质鲜嫩又弹牙 正呀🤤

椰皇炖老鸡汤
汤品以原个椰皇装载 一人份量
汤嘅味道丰富而浓郁 鸡肉经过炖煮后
充满浓厚鸡肉风味 咬落去带有一丝弹性
加入椰皇为汤汁带来了一微妙甜味香气
入面仲有红枣+准山+螺肉添呀✌🏻✌🏻
绝对值得一试 滋补又清甜好味
叫嚟俾妈妈饮实在唔错👍🏻

意大利黑醋骨
黑醋排骨个汁最开胃🤤酸酸甜甜
卖相好靓仔 粒粒排骨都沾到黑醋酱
排骨肉骨肉易分离 而且系用靓排骨
外皮微微脆 啲肉又嫩入晒味👍🏻💕

姜汁炒芥兰
大大碟炒芥兰 真系好够份量
姜汁🫚好出 芥兰🥬炒得唔错
一上台已经闻到蒜香味 够晒翠绿新鲜👌🏻

鲍汁福建炒饭
呢个饭好食😋足料又中碟 同妈妈食唔晒
最满意系佢劲多饱汁 加上炒得干身嘅饭
两者加埋口感啱啱好👍🏻
除咗多汁 仲有虾仁🍤+冬菇+鸡肉+菜心
啖啖都食到鲜味 够晒热辣辣🔥

鲜橙汁


龙味馆 (中环)
中环德辅道中173号南丰大厦2楼3-5号舖