钟意食鸡翼嘅朋友要注意啦‼️🐔
鸡翼控必去‼️中环Wingman 以唔同独特口味嘅鸡翼为主打🐥用嘅仲系无激素鸡 食得多都唔怕 店舖装修走美式风格 墙上贴上唔同嘅漫画海报 仲有一幅卡式带砌成嘅墙可以打卡📸
今次我哋就点咗个独食难肥鸡拼盘Loads O’ Birds 有24只鸡翼+2款配菜 两个人绝对够晒食☺️另外我见好多人都拣鸡翼放题 可以90分钟无限任食鸡翼

24只鸡翼入面 可以自选4款口味 每款6只🐣
ꕥ 水牛城酱
美式classic嘅口味 酸香微辣 味道层次丰富🤤惹味令人想饮完一只再一只
ꕥ 中式海鲜酱
第一次见有咁中式嘅口味 原来用嚟整鸡翼都系咁夹🐔味道咸中带甜 绝对会令你谂起饮中菜例如乳猪/片皮鸭嘅时候😆
ꕥ 蜂蜜芥末
甜甜嘅蜂蜜 无影响鸡翼嘅口感 依然香脆👍🏻芥末特登另外放开 比客人因应口味自己点上 个人觉得加左芥末更香更惹味
ꕥ 自家制咸蛋黄
面头加上咸蛋黄碎 营造到中菜<风沙>嘅效果 而其实鸡翼本身都已裹上咸蛋黄浆再炸 所以好浓郁好入味✨口感细腻
🍴配菜
ꕥ 牛油烧粟米
烤过嘅粟米面头加上千岛酱同埋芝士 卖相靓靓🌽粟米本身够香甜 而且呢个配搭好恰当 无论口感同味道都好有层次
ꕥ 黑松露芝士忌廉汁通粉
Mac and cheese再加埋黑松露 更邪恶了 一上台已经闻到黑松露嘅香气😛通粉有好香芝士味 而且质地够creamy 唔会太稠 食落都唔会觉得好漏好腻

饮品我哋就点咗芒果梳打同Lemonade🍹另外仲有各种汽水/茶/啤酒/Cocktail等等选择