香港南区食海鲜好地方
鸭脷洲｜蟹点 🦀

趁今日阳光普照，就去左南区行🥾玉桂山，吸收一下新鲜空气！行完山揾地方食午餐，朋友就带左我去食海鲜，餐厅喺海怡半岛站一出行几分钟就到，位置非常方便。餐厅室内地方相当阔落，仲设有户外座位啱晒有宠物的主子们，无论系三五知己或者一家大细黎饭局都气氛一流。餐牌食物款式选择很多，无论中式或泰国菜包罗万有，海鲜仲好新鲜又抵食！

🦀招牌白胡椒蟹 $628
黎到点可以唔食餐厅既招牌菜白胡椒蟹！胡椒蟹超级大只，用铁板上碟，店员会帮忙淋上酱汁，渣渣声热辣辣香喷喷，好震撼！白胡椒带麻辣，但又唔会盖咗蟹嘅鲜甜味，大蟹蟹肉鲜嫩，蟹钳入口啖啖蟹肉，就连配菜洋葱索晒d白胡椒酱汁都特别惹味啊！

🕊️红烧脆皮BB鸽 $68
乳鸽炸到外皮香脆，但肉质保持嫩滑、够晒juicy，就连骨都特别幼嫩，食得好滋味！

🐟豉汁蒸白鳝 $148
蒸白鳝超新鲜，鲜甜美味，完全无腥没有泥味。白鳝蒸得刚好熟，豉汁咸度刚好，鱼肉鲜嫩，肉质弹牙扎实，味道啱啱好，豉汁用嚟送饭一流！

📍蟹点 @crabdot
鸭脷洲鸭脷洲桥道322号西邨街市1楼