铜锣湾型格铁板烧🔥
铜锣湾登龙街有好多餐厅，前两日放假出嚟食饭，想食日本野，就拣咗呢间Hungry Monkey🦍一开始系比门外嘅猩猩招牌吸引住视线，整体嘅装修都几型格。

朋友钟意食海鲜，所以主打海鲜类。先嚟辣酒煮东风螺，好够爽口而且惹味，作为前菜开胃好唔错👍🏻铁板活北寄贝，口感都好爽嫩，调味刚好，汤汁咸咸地令北寄贝更鲜甜！南非鲍鱼嫩得嚟有咬口，Q弹爽口~而甲罗烧就用上松叶蟹肉蟹膏，充满咸香，捞匀之后放上青瓜一齐食🥒
肉类就拣咗牛舌薄烧，喺牛舌上放上葱花，一啖入口有齐牛舌嘅油香同葱花嘅香气🤤蔬菜类都系拣重口味少少嘅，避风塘茄子，真心正，好惹味，如果本身钟意蒜香嘅话，呢个必点！而且茄子一啲都唔油腻🍆
最后就系招牌菜御好烧，呢款系明太子口味，口味带咸香，卖相靓仔，面头嘅明太子酱，沙律酱同芝士混和咗，好夹啊！