「Owl's Stage」太子餐厅，必食虾蟹膏蟹肉带子意粉
朋友系要见㗎👭
今次出太子试呢间Owl’s Stage🦉

店内好多猫头鹰🦉摆设同挂画
影相出嚟好靓🫶🏻

烧加拿大保湿猪架 $198
见到猪架一上台就心心眼，摆盘吸引，猪架微微焦香，切开里面刚刚熟，一边切啲肉汁仲一边渗出黎👍🏻
调味骤眼睇只加左盐同黑椒，猪架周边有层薄得黎爽既脂肪，食落一啲都唔干，肉味浓郁仲带咸香，好juicy👍🏻
试下点埋个芥末酱，中和左猪肉既油腻感，令个猪架更香口☺️
配菜点左香草牛油焗薯角 就放系猪架下面🥔大小刚好，猪既肉味渗落去，入口好香，而且唔系炸，入口都冇罪恶感，点埋个蜜糖芥末沙律酱，甜甜香香，唔觉唔觉就食哂🫣

牛油汁煮西兰花 $58
另外睇左小食好耐，最后叫左牛油汁煮西兰花，其实猪架配菜都有西兰花叫，但又想食薯角，咁为左健康又可以试哂两样🤭就索性叫一个菜啦，牛油汁煮西兰花食落冇左平时好劲既草青味，而且唔会超多汁黏住西兰花，清清地岩哂健康的me，如果猪架个配菜都推荐叫西兰花，一啖肉一啖菜，超满足


虾蟹膏蟹肉带子意粉 $168
超推荐❣️开头仲以为只系普通海鲜汁意粉，点知！一入口超浓郁既虾蟹膏味冲击我口腔！加上每啖都食到蟹肉，个汁完全唔稀，唔会有多余系碟底，意粉亦系煮得刚刚好，细嚼会有烟韧口感，每食一啖都唔舍得吞，因为想个虾蟹膏味留系口腔😋另外意粉上面大粒带子，表面煎到刚好焦糖色，带子一啖入口真系好丰富，配埋意粉就更加夹！

绝对可以encore的餐厅🍴环境舒适，座位唔会逼夹，啱晒倾偈💬食物质素好好