尖沙咀泰式人气船面
身处尖沙咀，心血来潮想食船面，于是决定去这间食，这间之前也食过午餐，午饭时间都几多人下，晚饭时间也有不少人，不过好彩刚好有人食完走，立即有位，仲要系卡位，可以放下嘢坐得舒服啲.主食方面配搭有好多种，可以选牛肉、猪肉、海鲜、鸡肉、鸭肉等配料，再选汤底有船汤、冬阴功汤或清汤，仲可以选饭、河粉、金边粉、黄面或薯粉，最后我叫咗黑豚肉船汤底金边粉、泰式海南鸡饭、泰式小食拼盘、烚唐生菜配秘制腐乳酱，仲叫咗杯香茅斑兰梳打嚟降下温.先上船面，汤底色泽好浓郁，但唔会过咸，食完唔觉口亁，面同配料份量也好足.海南鸡饭，鸡入味，点埋个酱食仲提升咗个味，油饭香而不油腻，泰式小食拼盘有三款小食，虾饼、炸芝士云吞及鸡翼，虾饼外脆内弹牙，炸芝士云吞第一次食，几好味，芝士烟烟韧韧，食完唔会腻，鸡翼保留到肉汁，唔会炸到好干好硬.秘制腐乳酱恰生菜，生菜爽口，同这个秘制腐乳酱几夹.香茅斑兰梳打系俾支泰国樽装梳打水你再另外俾个装住香茅斑兰嘅杯你，自己制作的，本身叫时怕味道会唔会怪，但见餐牌有推荐就试吓，味道原来系几清新，饮完感觉爽快，几适合夏天饮.服务同价钱方面也正常，整体来讲不错.
泰浓面 (尖沙咀)
地址：尖沙咀乐道7号嘉乐大厦地下A舖

#SiamNoodles #ThaiNoodle