蟹迷必食蟹黃撈麵 超邪惡蟹黃瀑布🦀
最近深圳大熱蟹黃麵🦀🍜！南山區海岸城呢間「蟹興記」係內地多個城市有分店，主打蟹黃、蟹粉料理，蟹迷必試招牌蟹黃金撈麵。
✿ 蟹黃金撈麵 ¥98/份 🦀🍜
✿ 蟹黃金撈飯 ¥98/份 🦀🍚
招牌必點菜式！每份有一碗蟹黃、一碗麵條/白飯、配菜酸瓜及雲耳。
每碗蟹黃有約10隻蟹嘅蟹黃及蟹膏，熱辣辣油香十足。蟹黃好似瀑布咁倒落麵條或白飯，每啖都係濃郁蟹味🤤。建議配埋蟹醋一齊食，解油解膩又提升鮮味👍。
麵條幼身夠爽口，而且同白飯一樣可以免費🆓加底，一定食得飽！
小食方面新推出🆕四款蟹黃、蟹粉系列點心，點心即點即蒸，新鮮熱辣辣。
✿ 蟹黃燒賣(2個) ¥30
燒賣餡料好特別，係蟹黃配糯米飯，口感軟糯。
✿ 金牌蟹黃包(2個) ¥30
以蟹皇做餡料，皮薄咬落爆汁。
✿ 蟹粉小籠包(4個) ¥38
以蟹粉做餡料，有蟹黃及蟹肉，皮薄咬落爆汁。
✿ 蟹黃灌湯包 ¥58 🥟
灌湯包有拳頭咁大，咬開外皮蟹黃餡料多到滿瀉，蟹味濃郁夠邪惡。
✿ 鮑魚(2隻) ¥28
✿ 花雕羅氏蝦(4隻) ¥38 🦐
另外加咗兩款海鮮小食，鮑魚口感爽彈，羅氏蝦花雕酒味夠濃厚，蝦肉好入味，鮮甜彈牙。
總結🫦
中意食蟹黃麵嘅朋友去深圳要試嚇，另外店員會免費提供薑茶，可以驅寒解蟹毒👍。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
蟹興記·蟹黃面
地址：深圳市-南山區-海岸城保利文化廣場A區二樓步行街A2-03室
（深圳地鐵2/8/11號線 後海站D1出口）
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
#美食旬味会 #吃一顿海鲜大餐 #当地才能吃到的美食